Mjekët britanikë thonë se kanë identifikuar shkakun e problemeve misterioze të inflamacionit të mëlçisë te fëmijët.
Hulumtimet kanë treguar se agjentët shkaktarë janë dy viruse që normalisht nuk shkaktojnë probleme në organizëm.
Në muajt e fundit, më shumë se 1000 fëmijë, shumë nën moshën pesë vjeç, në 35 vende kishin infeksione të mëlçisë me origjinë të panjohur dhe disa prej tyre kishin nevojë për transplantim, raporton BBC.
Dy ekipe studiuesish nga Londra dhe Glasgou arritën në përfundimin se, për shkak të kufizimeve të vendosura gjatë pandemisë me COVID-19, fëmijët ranë në kontakt me dy viruse të zakonshme shumë më vonë se zakonisht, ndaj të cilëve nuk fituan imunitet kur duhej.
Këta janë adenovirusi, i cili shkakton një ftohje të lehtë dhe ndoshta probleme të lehta të tretjes, dhe viruse të lidhura me adeno, të cilët normalisht nuk shkaktojnë sëmundje dhe kanë nevojë për një “virus ndihmës”, siç është adenovirusi, për t’u riprodhuar.
Në kushte normale, fëmijët shërohen shumë shpejt nga këto viruse dhe tani kanë shkaktuar inflamacion të rëndë të mëlçisë në disa raste.
Shkencëtarët përjashtuan mundësinë që sëmundja të ishte shkaktuar nga koronavirusi ose vaksina kundër tij dhe arritën në përfundimin se trashëgimia gjenetike luan një rol në zhvillimin e sëmundjes.
“Për shkak të bllokimit të gjatë të pandemisë, fëmijët nuk u socializuan dhe nuk i transmetonin këto viruse me njëri-tjetrin, kështu që ata nuk fituan imunitet ndaj këtyre infeksioneve të zakonshme në kohën kur duhej të kishin”, tha virologia, profesoresha Judith Boier.
Kur u hoqën kufizimet, shtoi ajo, fëmijët filluan sërish të shoqëroheshin dhe papritur u ekspozuan ndaj viruseve dhe një sërë infeksionesh ndaj të cilave nuk kishin fituar imunitet, siç ndodh zakonisht.
Profesoresha Emma Thompson, e cila udhëhoqi hulumtimin në Glasgou, thotë se këto janë gjetje të rëndësishme, por paralajmëron se ka ende shumë pyetje pa përgjigje.
“Ne kemi nevojë për më shumë kërkime për të kuptuar më mirë saktësisht se çfarë roli luajti virusi dy i lidhur me adeno në këto sëmundje të mëlçisë te fëmijët,” tha Thompson.
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…