Shkruan: Kreshnik Begu
Shqipëria në “Andrees Allgemeiner Handatlas” të vitit 1893: Një dëshmi e kartografisë gjermane
Para pak kohësh, publikova në po këtë media, pra në Trungu&InforCulture.infonjë gjetje nga një atlas gjerman i vitit 1900. Aty evidentohej shtrirja e emrit të Shqipërisë deri poshtë Korfuzit dhe shtrirja territoriale deri në Gjirin e Artës. Sot dëshiroj të ndaj me publikun dhe kërkuesit një tjetër dokument të rëndësishëm nga fondi im personal: atlasin Andrees Allgemeiner Handatlas të vitit 1893.
Ky atlas njihet botërisht për saktësinë e lartë shkencore të kartografisë gjermane të kohës. Në të vërehen detaje kyçe që hedhin dritë mbi realitetin gjeografik dhe administrativ të fundit të shekullit XIX:Faqet 11–12 (Pamja Politike e Evropës): Brenda territorit të Perandorisë Osmane, Shqipëria (Albanien) paraqitet e shtrirë deri në Gjirin e Artës.
Emri “Shqipëri” shënohet deri poshtë Janinës, ku më pas fillon kufiri me Greqinë.Faqja 86: Rajoni i Epirit shfaqet qartë si kufiri natyror me territorin e shtetit grek.Faqet 87–88: Emri Albanien nis që nga Kosova dhe shtrihet thellë në Epir, duke u kufizuar sërish me Greqinë në Gjirin e Artës. Ky integrim nominal dhe territorial i Epirit brenda hapësirës shqiptare përbën një detaj me rëndësi të jashtëzakonshme historiografike.Harta e transportit në Oqeanin Atlantik: Kjo hartë specifike ofron gjithashtu të dhëna interesante që ndërlidhen me vizualizimin dhe rëndësinë gjeografike të këtij territori në rrjetet e komunikimit të kohës.Këto të dhëna nuk janë opinione personale. Ato janë rrjedhojë e studimeve të mirëfillta të kartografëve gjermanë të asaj periudhe.Qëllimi i këtij publikimi nuk është politika.
Synimi im nuk është nxitja e debateve nacionaliste, të cilat i kam vërejtur së fundmi në disa portale greke. Si një hulumtues i thjeshtë, qëllimi im mbetet vetëm kërkimi i së vërtetës dokumentare dhe ndriçimi i procesit historik të copëtimit territorial.U sugjeroj akademive të shkencave të të dy vendeve që t’u referohen këtyre dokumenteve me paanësi shkencore. Njohja e fakteve historike pa ngjyrime politike është rruga e vetme që dy popujt tanë të jetojnë në paqe të përhershme, si fqinj dhe si vëllezër. Dokumentet gjermane janë një pasuri e pafundme që meriton vëmendjen e akademikëve tanë për të ndriçuar historinë e territoreve shqipfolëse.
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…