Një kontratë 50 milionë dollarëshe për një proces të gjeneratës së re që do të përdoret në hapësirë i është dhënë kompanisë Amerikane Microchip Technology.
Firma e cila prodhon mikro-kontroller dhe sisteme 32-bit bazuar në ARM, do të dizajnojë procesorin HPSC (High-Performance Spaceflight Computing) në tre vitet e ardhshme.
Procesori i ri do të ketë 100 herë më shumë fuqi kompjuterike sesa kompjuterët që përdoren aktualisht në fluturime hapësinore.
Kapsula Orion e NASA aktualisht përdor një kompjuter ndërtuar për Boeing 787, një sistem i cili ishte 12 vite i vjetër në kohën kur debutoi në 2014-ën. Qëllimi kryesor i kompjuterëve për fluturimet hapësinore nuk është performanca, por qëndrueshmëria dhe rezistenca ndaj defekteve.
Teleskopi Hubble kishte një kompjuter DF-224 ndërtuar në 1980, një dizajn prej tre procesorësh dhe peshonte 50 kilogram. Në 1993 u pajis me një procesor Intel 386 me frekuencë 16Mhz ndërsa e gjitha u zëvendësua në 2000 nga një procesor 25Mhz Intel 486 në një kohë kur bota u zu bë befasi nga Pentium 4.
Reverët e Marsit përdornin procesorë IBM të ngjashëm me Apple G3. Microchip Technology mund të mos jetë emër i njohur në industri por ka ekspertizën e ndërtimit të çipeve në ambiente ekstreme siç është hapësira.
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…