Komiteti Krahinor i Kosovës nuk iu përgjigj kërkesave të minatorëve të Trepçës në marshin e vitit 1988. Për këtë arsye, më 20 shkurt 1989 rreth orës 13:00 minatorët e ndërrimit “D” filluan grevën brenda në minierë. Gjatë ditës ndërrimi “A”, “B” dhe “C” iu bashkuan grevës, e cila zgjati për tetë ditë.
Miniera e Trepçës ka 12 horizonte nën tokë deri në 1000 metra. Të shpërndarë në horizonte, pak pas fillimit të grevës u caktuan kujdestarët e horizonteve.
Horizonti i tetë ishte kryesori, ku vinin vizitorët dhe mediet gjatë grevës.
Në intervistën e historisë gojore Avdi Uka përshkruan:
“Çka me bo zgjidhje, veç duhet me hi në grevë. Në sipërfaqe s’na lanë, hajde hinëm na minatorët, mes veti, une kom folë me ty, ti ke folë me këto, kjo ka fol me ato, buu {onomatope} mrena… Del ndrrimi i parë, del i dyti, vjen i treti, vjen i katërti jonë tubu krejt, 1300 minatorë, tetë ditë e tetë netë.”
Fotografia është marrë nga libri “Greva e minatorëve të ‘Trepçës’ në Stantërg” nga Mustafë Haziri, f. 33.
Tregime për grevën e minatorëve të Trepçës mund t’i hulumtoni në arkivën tonë dixhitale. /Oral History Kosovo
Një zhurmë vdekjeprurëse, një tingull i lagësht dhe gurgullues kur merr frymë një…
Shkencëtarët kanë zbuluar një sinjal të fshehur në ekzaminimet e zakonshme të zemrës,…
Domatja është një nga perimet më të përdorura në ushqimin e përditshëm, por…
Me ardhjen e ditëve të ftohta dhe ndezjen e ngrohjes, në shumë apartamente…
Të mbyllësh sytë në mbrëmje dhe t’i hapësh vetëm kur bie alarmi. Për shumë njerëz,…
Ato janë ushqimi simbolik i vjeshtës, të shijshme dhe të vlerësuara në një mori përgatitjesh…