Ka shkuar në 17 numri i të prekurve me koronavirus në vendin tonë.
Kështu ka bërë të ditur në një konferencë për media, Ministri i Shëndetësisë, Arben Vitia.
Ai ka deklaruar se deri tani në vend janë testuar 271 mostra të dyshimta, derisa, 17 prej tyre kanë rezultuar pozitive.
“Deri më sot në Kosovë janë testuar 271 mostra të dyshimta dhe 17 prej tyre kanë rezultuar pozitive. Informatat nga klinika infektive është se gjendja e pacientëve që janë duke u trajtuar e që janë 10 është stabile dhe me përjashtim të njërit nga pacientët, të tjerët janë duke marrë një trajtim mjekësor mbështetës. Dy nga të hospitalizuarit janë liruar për në shtëpi dhe do të qëndrojnë në vetkarantinë”, ka deklaruar ministri.
Vitia po ashtu ka informuar për disa veprime të ndërmarra pas gjendjes së emergjencës së shëndetit publik që është shpallur nga Qeveria.
“Dje ka përfunduar procedura për kontraktimin e mjetëve mbrojtëse mjekësore për personelin shëndetësor si maska respiratorë, veshje mbrojtëse për trup, mburoja për fytyrë, çarçafë dhe shërbime tjera mbështetëse për polici doganë, nga 400.000 euro të ndara më herët nga Qeveria”, ka thënë ai, duke shtuar se janë gjetur rezerva të pamjaftueshme.
“Qeveria ka alokuar gjithashtu 6.2 milionë euro për shfrytëzim të menjëhershëm, prej shumës prej 10 milion euro për zbatimin e aktiviteteve të përfshira në Planin e Veprimit kundër COVID-19”, deklaroi ministri
Një zhurmë vdekjeprurëse, një tingull i lagësht dhe gurgullues kur merr frymë një…
Shkencëtarët kanë zbuluar një sinjal të fshehur në ekzaminimet e zakonshme të zemrës,…
Domatja është një nga perimet më të përdorura në ushqimin e përditshëm, por…
Me ardhjen e ditëve të ftohta dhe ndezjen e ngrohjes, në shumë apartamente…
Të mbyllësh sytë në mbrëmje dhe t’i hapësh vetëm kur bie alarmi. Për shumë njerëz,…
Ato janë ushqimi simbolik i vjeshtës, të shijshme dhe të vlerësuara në një mori përgatitjesh…