Lemza është një shqetësim i zakonshëm që mund të shfaqet papritur dhe të krijojë bezdi, stres e nervozizëm te personi që e përjeton. Shpesh ajo largohet vetë, por në disa raste mund të jetë shenjë e një problemi që kërkon vlerësim mjekësor.
Sipas ekspertëve, lemza shkaktohet kur diafragma – muskuli kryesor që ndihmon në procesin e frymëmarrjes – tkurret papritur dhe në mënyrë të pavullnetshme. Kjo tkurrje sjell thithjen e shpejtë të ajrit dhe më pas mbylljen e menjëhershme të kordave vokale, duke krijuar tingullin karakteristik të lemzës.
Ndër faktorët që mund të shkaktojnë lemzën janë thithja e shpejtë e ajrit, ngrënia me shpejtësi, konsumimi i pijeve të gazuara, pirja e duhanit apo përdorimi i alkoolit.
Në shumicën e rasteve lemza kalon vetë pa pasur nevojë për trajtim. Megjithatë, nëse ajo vazhdon për më shumë se 48 orë, mjekët rekomandojnë konsultë me një specialist për të përcaktuar shkakun dhe trajtimin e duhur.
Lemza mund të ndahet në disa forma: e përkohshme, e vazhdueshme dhe e pandërprerë. Në rastet kur zgjat më shumë se normalja, mund të nevojiten analiza laboratorike dhe ekzaminime të mëtejshme për të identifikuar arsyen.
Ekspertët këshillojnë që një lemzë e zgjatur të mos neglizhohet, pasi në raste të caktuara mund të lidhet me gjendje të tjera shëndetësore.
Një zhurmë vdekjeprurëse, një tingull i lagësht dhe gurgullues kur merr frymë një…
Shkencëtarët kanë zbuluar një sinjal të fshehur në ekzaminimet e zakonshme të zemrës,…
Domatja është një nga perimet më të përdorura në ushqimin e përditshëm, por…
Me ardhjen e ditëve të ftohta dhe ndezjen e ngrohjes, në shumë apartamente…
Të mbyllësh sytë në mbrëmje dhe t’i hapësh vetëm kur bie alarmi. Për shumë njerëz,…
Ato janë ushqimi simbolik i vjeshtës, të shijshme dhe të vlerësuara në një mori përgatitjesh…