Nga: Sami ARIFI
Ramiz Ahmet Cernica u lind më 1903 në fshatin Cernicë-komuna e Gjilanit, ai ishte një atdhetar i madh i cili, hyri në historinë kombëtare me pjesëmarrëjen e tij në Kuvendin e Prizrenit (1945), ku me jo-në e tij të madhe, të prerë e të guximshme demaskoi planet djallëzore aneksioniste të kulçedrës serbe.
Atdhetari Ramiz Cernica, gjatë periudhave të ndryshme, si përfaqësues i popullit shqiptar, në mbrojtje të tij mori obligime të ndryshme, ai ishte kryetar i komunës së Parteshit (1934-1944) ishte përkrahës i LNÇ-së. Mbas luftës atdhetari Ramiz Cernica u emrua kryetar i komitetit Demokratik Shqiptar në Gjilan, ai mori pjesë dhe diskutoi në Kuvendin e Prizrenit në korrik të vitit 1945, ku, zëshëm kundërshtoi aneksimin e Kosovës nga Serbia, pastaj ai për shkak të këtij qëndrimi u dënua 20 vite burg.
Pas ripushtimit të Kosovës nga forcat partizano-çetnike në trevën e Anamoravës filluan masakrat e tmershme ndaj shqiptarëve pas të ashtquajturit “çlirim” të Gjilanit më 16 nëntor të vitit 1944, duke djegur fshatra, duke torturuar popullatën e pafajshme, duke burgosur e likuiduar në mënyrë mizore njerëzit më të ndershëm e më autoritativ.
Aradhat Partizane mbillnin frikë dhe pasiguri te popullata shqiptare, Ramiz Cernica, duke parë të gjitha këto pasiguri, ai nuk ndejti indiferent ndaj këtyre ngjarjeve, prandaj reagimi i tij ia prishte planet partizano-çetnikëve, pastaj pas pak kohe e burgosin Ramizin duke e dërguar fshehtas në Lagjen e Varoshit, të cilën rastësisht e me mjeshtri e zbuloi biri i tij, Raif Halimi, që ishte komesar batalioni i aradhës vullnetare të rinisë, i cili me ndihmën e autoritetit të Rifat Berishës lirohet Ramizi, por ai përcillet në çdo hap dhe në çdo aksion.
Atdhetari Ramiz Cernica, për hirë të çështjes kombëtare, kishte zgjedhur rrugën e tolerancës sa i përkiste përcaltimeve politike majtiste, apo përcaktimeve politike djathtiste, pra, ai mbi partitë gjithmonë kishte çështjen e bashkimit kombëtar…
Atdhetari Ramiz Cernica ndërroi jetë në vitin 1979 duke u bërë, me veprimtarinë e tij, gurthemel i rrugëtimit drejt kauzës së madhe të bashkimit kombëtar për rininë shqiptare në trojet e tyre stërgjyshore.
Lavdi jetës dhe veprës së atdhetarit Ramiz Cernica, dhe të gjithë atyre që dhanë më të shtrenjtën për lirinë e atdheut.
Një zhurmë vdekjeprurëse, një tingull i lagësht dhe gurgullues kur merr frymë një…
Shkencëtarët kanë zbuluar një sinjal të fshehur në ekzaminimet e zakonshme të zemrës,…
Domatja është një nga perimet më të përdorura në ushqimin e përditshëm, por…
Me ardhjen e ditëve të ftohta dhe ndezjen e ngrohjes, në shumë apartamente…
Të mbyllësh sytë në mbrëmje dhe t’i hapësh vetëm kur bie alarmi. Për shumë njerëz,…
Ato janë ushqimi simbolik i vjeshtës, të shijshme dhe të vlerësuara në një mori përgatitjesh…