E fikni ndonjëherë telefonin? Nëse përgjigja është jo, duhet të ndryshoni dhe ta fikni dhe ndizni telefonin të paktën një herë në javë.
Është vetëm një nga rekomandimet e Agjencisë Amerikane të Sigurisë Kombëtare (NSA), e cila ka publikuar një sërë këshillash të tjera për përdoruesit e telefonave për t’i mbrojtur nga sulmet e hakerëve dhe viruseve.
Telefoni mund të ndikohet nga një sërë kërcënimesh sigurie, nga ‘phishing’, ‘malware’ e deri te ‘spyware’, shkruan DailyMail.
Një mënyrë për t’u mbrojtur nga sulmet që mund të infektojnë pajisjen tuaj pa asnjë ndërveprim nga ana juaj është të fikni periodikisht telefonin dhe pastaj ta ndizni përsëri, të paktën një herë në javë. Ky veprim i thjeshtë mund ta bëjë më të vështirë për hakerat vjedhjen e informacionit nga telefoni, megjithëse NSA-ja paralajmëron se jo gjithmonë do ta parandalojë sulmin.
Përveç fikjes së telefonit, NSA-ja këshillon përditësimin e rregullt të aplikacioneve dhe sistemit operativ për të marrë përditësimet më të fundit të sigurisë.
Instaloni aplikacione vetëm nga dyqanet zyrtare, të tilla si Apple App Store ose Google Play Store.
Jini të kujdesshëm ndaj rrjeteve publike Wi-Fi dhe shmangni ato kur është e mundur. Fikni Bluetoothin kur nuk e përdorni për të parandaluar që pajisjet e tjera të lidhen dhe të kenë qasje në telefonin tuaj, thuhet tutje në rekomandimet e NSA-së.
Një mace shtatëvjeçare me emrin ‘Nimis’ është kthyer në një nga personazhet më…
Ndonjëherë, në trup shfaqen njolla me ngjyrë të kaltër, vjollcë apo të verdhë, edhe…
Koha që nevojitet për të humbur peshë ndryshon nga personi në person. Faktorë…
Nga Albert Vataj Një përbërës natyror i helmit të bletës, melitina, ka demonstruar aftësi të…
Në vitin 1902, në punishte të vogla të prodhimit të thikave në Francë, mund…
A mund të ofrojë një përllogaritje e re, e bazuar në dy tregues…