Kush e ngriti e kush e solli flamurin ndër malësor

Kush e ngriti e kush e solli flamurin ndër malësor.
Tri referenca shkencore të pa çensuruara që pasqyrojnë një realitet brenda asaj breznie bashkëkohore – rreth 25 vite më pas.

1 – Në revisten “Hylli i Drites” në një artikull të At Donat Kurtit O.F.M. me titull: “Flamuri kombetar në krahinat e Shkodres”, të botuar në numrin 11 të vitit 1937 shkruan:
” Atë ditë, me 6 prill 1911, në të cilën u muer maja e Deçiqit u vu flamuri në Bratilë. Thone se ai që e ngriti këtë flamur kje kushrini i Dedë Gjo Lulit, Nike Gelosh Luli, sëbashku me Gion Ujk Miculin e Pietër Zefin..»

2 – Një referencë kuptimplote për Kryengritjen e Malësisë është edhe kënga për Dedë Gjon Lulin ku At Gjergj Fishta pohon se, ai që e ua çoi malësorëve flamurin qe Hilë Mosi.
“Kame për kame, por me malcorë,
M’ Deçiq rra’ ka i djalè i ri:
Qaj Hile Mosi, pushkën n’dore,
N’parsme famrin “kuq e zi”.
E tue i dhane aj zjerm “alltis”
M’nji “manov” vjellun nga Azija,
zhvillon flamrin e Shgypnis
E vrret t’madhe: Rrnofte Shaypnija! ”

3 – Në revisten “Hylli i Dritës” nr. 6 të vitit 1923. faqe 275. P. Martin Sirdani citon:
Ate flamur të Skênderbeut që sipas “Diellit” të Bostonit nuk ishte parë më në Shqipëri, që nga koha e Kastriotit, deri sa me 1908 e futi Dervish Hima dhe e pagoi me katër muaj burg.

Këto referenca i publikova që t’u vijnë në ndihmë historianëve të paanshëm në saktësimin e të vërtetave historike.

(Nga Rita Kalaj Shkurtaj).