<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

16 vite kërkime, dy arkeologë gjejnë thesarin legjendar

Dy arkeologë amerikanë thonë se kanë zbuluar rrënojat e një anijeje portugeze të shekullit XVIII, e cila u sulmua nga piratët dhe u fundos në Oqeanin Indian me një thesar që sot vlerësohet mbi 138 milionë dollarë.

Bëhet fjalë për anijen “Zonja Jonë e Kepit”, e cila në vitin 1721 u nis nga India drejt Portugalisë, duke transportuar një zëvendësmëkëmbës portugez, Kryepeshkopin e Goas, rreth 200 skllevër dhe një ngarkesë të jashtëzakonshme ari, argjendi dhe gurësh të çmuar.

Sulmi i piratëve dhe fundosja

Anija u sulmua pranë ishullit Reunion nga pirati famëkeq Olivier Levasseur, i njohur si “The Buzzard”. Pas një stuhie që e kishte dëmtuar rëndë anijen, piratët arritën ta merrnin lehtësisht nën kontroll. Më pas, ata e zhvendosën rreth 400 milje drejt perëndimit dhe e braktisën pranë ishullit Nosy Boraha në brigjet verilindore të Madagaskarit, i njohur dikur si Ile Sainte-Marie.

Pjesa më e madhe e thesarit u grabit nga piratët përpara fundosjes. Sipas dokumenteve historike, ngarkesa përfshinte shufra ari dhe argjendi, monedha, mëndafshe dhe mbi 400 gurë të çmuar, mes tyre 110 diamante dhe 250 smeralde.

Zbulimi pas 16 vitesh kërkime

Arkeologët Brandon Clifford dhe Mark Agostini deklaruan në revistën Wreckwatch se kanë identifikuar vendndodhjen përfundimtare të anijes, pas 16 vitesh kërkimesh me sonar dhe teknologji të zbulimit në distancë.

Sipas tyre, në vendin e gjetjes janë zbuluar mbi 3,300 objekte, përfshirë statuja dhe pllaka fetare, disa që paraqesin Virgjëreshën Mari dhe të tjera me mbishkrimin “Jezusi i Nazaretit, Mbreti i Hebrenjve”, të cilat besohet se janë prodhuar në Goa të Indisë dhe ishin destinuar për katedralet e Lisbonës.

Në zonë janë gjetur gjithashtu fragmente qeramike dhe monedha ari me mbishkrime arabe, të mbuluara prej shekujsh nga rëra dhe balta në fundin e detit.

Clifford deklaroi se identifikimi mbështetet në disa linja provash, përfshirë analizën e strukturës së anijes dhe përputhjen e artefakteve me të dhënat historike. Megjithatë, zbulimi ende nuk është konfirmuar nga ekspertë të tjerë të pavarur.

Ishulli i piratëve

Nosy Boraha ishte një nga qendrat kryesore të asaj që njihet si Epoka e Artë e Piraterisë. Ujërat e qeta dhe mungesa e kontrollit kolonial e bënë ishullin një strehë ideale për piratët, të cilët e përdornin si bazë për të sulmuar rrugët tregtare.

Sipas arkeologëve, në zonën përreth mund të ndodhen deri në 10 anije të mbytura, ndërsa të paktën katër prej tyre besohet se ndodhen në të njëjtin port me Nossa Senhora do Cabo.

Studiuesit shprehen se zona historikisht është anashkaluar nga kërkimet shkencore dhe se ka potencial për zbulime të tjera që mund të hedhin dritë mbi një nga periudhat më dramatike të historisë detare.

/tvklan.al

admin admin