<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Si iu vendos gjoba konsullit rus në Mitrovicë, nga një bandë shqiptare?

Nga: Hasan Bello

Një nga sfidat kryesore me të cilat përballeshin autoritetet osmane në vilajetet shqiptare, ishte mungesa e rendit dhe sigurisë publike. Me dobësimin e institucioneve shtetërore, në shumë zona vepronin banda të armatosura që angazhoheshin në grabitje dhe vendosje gjobash. Kjo situatë ishte kthyer në një shqetësim serioz, jo vetëm për përfaqësuesit e huaj, por edhe për vetë banorët e krahinave ku bandat ushtronin aktivitetin e tyre.

Kjo çështje iu paraqit për shqyrtim edhe Komisionit të Reformave, i kryesuar nga ministri i Brendshëm, Haxhi Adil Beu. Në fillim të vitit 1912, ai ndërmori një inspektim në të gjitha qytetet shqiptare, me qëllim forcimin e rendit dhe sigurisë.

Gjatë kësaj periudhe, u ndërmorën disa aksione konkrete, ndër të cilat më i rëndësishmi në zonën e Mitrovicës ishte ai kundër bandës së Zejnel Ibrahimit. Kjo për dy arsye kryesore: së pari, sepse ndaj kësaj bande kishte ankesa jo vetëm nga banorët vendas, por edhe nga Hafiz Hysni Efendiu, një çifligar i njohur nga Vuçiterni i cili ishte anëtar i Komitetit Xhonturk; së dyti, për shkak të një akti të pashembullt – banda kishte guxuar t’i përcillte një paralajmërim verbal konsullit rus në Mitrovicë, Sabacov, duke i kërkuar pagesën e një gjobe prej 200 lirash turke. Në të kundërt, në mesazh thuhej se brenda pak ditësh “do t’i ndodhte diçka e keqe”.

Sipas Sabacovit, ky ishte paralajmërimi i tretë që merrte nga e njëjta bandë, dhe si pasojë kishte filluar të ndihej i frikësuar. Nuk përjashtohet mundësia që për këtë ai të ishte ankuar edhe te ministri i Brendshëm.

Në aksionin për eliminimin e kësaj bande morën pjesë një numër prej gjashtëdhjetë forcash, disa prej të cilëve mbetën të vrarë e të plagosur. Kjo për shkak se banda ishte strehuar në një kullë të fortifikuar, siç edhe ishin ndërtesat karakteristike shqiptare.

admin admin