<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: SOCIALE

Gjërat që duhet t’i dini kur filloni agjërimin në ditët e para

Muaji i Ramazanit është një periudhë e veçantë dhe e bekuar për myslimanët anembanë botës.

Ramazani nuk është vetëm një sakrificë fizike, por mbi të gjitha një udhëtim shpirtëror që forcon vetëdisiplinën dhe pastron shpirtin.

Përveç përfitimeve shpirtërore, agjërimi gjatë muajit të Ramazani ka edhe rëndësi të madhe për shëndetin.

Agjërimi ndihmon në pastrimin e trupit nga toksinat, përmirëson funksionimin e sistemit tretës dhe mund të mbështesë kontrollin e peshës.

Sidoqoftë ditët e para të agjërimit mund të jenë sfiduese dhe të vështira derisa organizmi të mësohet me ndryshimet.

Këtu kemi listuar disa këshilla që do t’ua bëjnë agjërimin sa më të lehtë e të sigurt.

Mos e kapërceni syfyrin

Kapërcimi i syfyrit për shkak të gjumit mund t’ju bëjë më shumë dëm se sa dobi. Anashkalimi i këtij vakti zgjat periudhën e agjërimit, që do të thotë se trupi i juaj do të duhet të mbështetet në vaktin e mëparshëm për t’ju siguruar të gjithë energjinë deri në iftar.

Për shkak të orëve të gjata të agjërimit, rritet rreziku i dehidrimit dhe nivelit të ulët të glukozës. Kapërcimi i syfyrit inkurajon gjasat për të ngrënë më tepër gjatë Iftarit, gjë që nga ana tjetër çon në shtim të pashëndetshëm në peshë.

Mos e teproni me ushqimin në iftar

Ashtu siç nuk këshillohet të anashkaloni syfyrin, ngrënia e tepërt kur është koha për të prridhur agjërimin mund të dëmtojë trupin tuaj.

Iftari duhet të jetë një vakt i ekuilibruar, me vlera ushqyese dhe jo një festë. Ngrënia e tepërt dhe konsumimi i tepërt i ushqimeve me yndyrë të lartë, në veçanti, mund të rezultojë në dispepsi dhe shtim në peshë. Zakone të tilla të të ngrënit do të ishin të dëmshme për ata me sëmundje kronike themelore si diabeti, kolesteroli i lartë ose sëmundjet e zemrës.

Mos hani ushqime të skuqura, ushqime të kripura dhe ushqime me shumë sheqer

Nuk është e pazakontë që agjëruesit të kënaqen me ushqime të yndyrshme, të skuqura dhe me sheqer gjatë vaktit.

Përveç shtimit të pashëndetshëm në peshë, konsumimi i ushqimeve të yndyrshme dhe me sheqer mund të çojë gjithashtu në dispepsi, duke ndikuar në agjërimin e ditës pasardhëse.

Gjithashtu, duhet të kufizoni ushqimet me krip, veçanërisht gjatë syfyrit pasi kjo rrit etjen gjatë periudhës së agjërimit. Përfshini sa më shumë që të jetë e mundur ushqime nga të gjitha grupet kryesore ushqimore, si frutat dhe perimet, orizi dhe alternativat, mishi dhe alternativat. Konsumimi i ushqimeve të pasura me fibra gjatë Ramazanit është gjithashtu ideal pasi trupi ynë i tret ato më ngadalë se ushqimet e përpunuara, duke siguruar që të ndiheni më të ngopur për një periudhë të gjatë.

Pini ujë sa më shumë që mundeni

Konsumimi i shumtë i ujit ndërmjet iftarit dhe syfyrit zvogëlon rrezikun e dehidrimit gjatë agjërimit.

Mundoheni të pini të paktën tetë gota lëngje në ditë, para agimit dhe pas perëndimit të diellit.

Lëngjet mund të përfshijnë lëngje, qumësht dhe supa, megjithëse uji është zgjidhja më e mirë.

Reduktimi i pijeve me kafeinë si kafeja, çaji dhe coca cola zvogëlojnë humbjen e lëngjeve përmes urinimit pasi të tilla pije kanë një efekt diuretik. /Telegrafi/

admin admin