Pse stjuardesat e kanë të ndaluar t’ju ndihmojnë të vendosni valixhet në raftin sipër?!

Për shumë pasagjerë, ngjitja e valixhes në raftin e sipërm të avionit është një sfidë që shpesh përfundon me stres dhe konfuzion. Ajo që duket si një skenë komike, ku valixha duket se po lufton me ty, ka një arsye të qartë përse stjuardesat nuk mund të ndihmojnë gjithmonë në këtë situatë.

Kat Kamalani, një stjuardesë me 6 vjet përvojë, ka ndarë disa këshilla të vlefshme që mund t’ju ndihmojnë të kaloni më lehtë këtë moment dhe të shmangni stresin.

Nëse nuk mund ta ngrini, mos e merrni
Kamalani sugjeron që të bëni një kontroll para udhëtimit: provoni të ngrini valixhen në shtëpi, në mënyrë që të keni një ide të qartë se sa e lehtë apo e vështirë është ngritja e saj. Nëse vëreni që nuk mund ta ngrini mbi kokë pa mundim, ajo rekomandon të hiqni disa gjëra nga brenda valixhes për ta bërë më të lehtë ngritjen e saj në raftin e avionit.

Shikoni udhëzimet për ruajtjen e bagazhit në avion
Një tjetër këshillë e rëndësishme për pasagjerët është të kontrollojnë udhëzimet për ruajtjen e bagazhit në avion. Kat Kamalani, stjuardesë me përvojë, shpjegon se shumica e linjave ajrore ofrojnë karta udhëzimi që tregojnë si duhet të vendoset valixhja në raftet e sipërme – përkatësisht, nëse duhet ta vendosni horizontalisht ose vertikalisht.

Pse stjuardesat nuk ndihmojnë me ngritjen e valixheve?
Stjuardesat nuk janë të detyruara të ndihmojnë me ngritjen e valixheve. Shumë linja ajrore e kanë të ndaluar këtë, pasi ngritja e valixheve të rënda ka shkaktuar shumë lëndime. Po ashtu, nëse një stjuardesë lëndohet, shumë herë kjo nuk mbulohet nga sigurimi i kompanisë ajrore.

Kamalani thekson se, nëse keni nevojë për ndihmë, mund t’i kërkoni stjuardesës që t’ju asistojë, por kjo është një ndihmë, jo një detyrim. Në fund, është e kuptueshme që kjo politikë është e vendosur për arsye sigurie, edhe pse për disa pasagjerë mund të duket e çuditshme. Megjithatë, tani që e dimë, kur shohim stjuardesat që na vëzhgojnë nga larg, mund të kuptojmë më mirë se pse ato nuk ndërhyjnë.