Të rinjtë që përdorin cigare elektronike, të njohura si “vape”, kanë gjendje të keqe shëndetësore si duhanpirësit. Ekspertët nga Universiteti Metropolitan i Manchesterit thonë se gjetjet e tyre tregojnë se përdorimi afatgjatë i cigareve elektronike është i dëmshëm dhe vë në pikëpyetje konstatimin e mëhershëm se “vape” është më e shëndetshme se pirja e cigareve, transmeton DailyMail.
Studimi përfshiu 60 njerëz rreth moshës 20 vjeç të cilët kishin funksion normal të mushkërive.
Një e treta ishin joduhanpirës, një e treta përdornin cigare elektrike për të paktën dy vjet dhe një e treta ishin duhanpirës së paku qe dy vjet.
Secili prej tyre bëri test stresi në një biçikletë, që është standardi i artë për testet fizike, si dhe tregues se si trupi përshtatet gjatë stërvitjes, duke monitoruar gjendjen e zemrës, mushkërive dhe muskujve.
Ata bën edhe analiza gjaku për të monitoruar se si funksiononin arteriet dhe enët e gjakut. Analizat kanë treguar se duhanpirësit, përfshirë edhe cigaret elektronike, nuk mund të arrijnë maksimumin që munden bashkëmoshatarët e tyre që nuk pinë duhan.
Gjatë ushtrimeve, ata që pinë cigare elektronike dhe duhanpirësit konsumuan mesatarisht më pak oksigjen në krahasim me grupin joduhanpirës.
Analizat e gjakut zbuluan se enët e gjakut tek ata që pinë “vape” dhe cigare nuk funksiononin në nivelin e joduhanpirësve.
Ata që pinë cigare elektronike dhe cigare të zakonshme mbeteshin më shpesh pa frymë, muskujt u lodheshin më shpejtë dhe regjistruan nivel më të lartë të acidit laktik në muskuj edhe para se të arrinin kulmin e ngarkesës gjatë ushtrimeve.
Sipas listës së miliarderëve botërorë të Forbes 2024, Bernard Arnault është personi më i…
Botët utopike të sekteve u bënin njerëzve premtime të ndryshme në emër të lirisë.…
Ditëlindjet festohen me shumë emocione në shumë kultura. Tortë, qirinj, veshje të bukura, familje,…
Instituti Kombëtar i Shëndetësisë ka propozuar që pambuku të eliminohet, sepse përmban lagështi brenda shishes.…
Organizata për Hulumtime dhe Vetëdijësim Shoqëror Trungu, përmes një njoftimi në faqet e saj…
Dhimbja në pjesën e prapme të kokës shpërthen si pasojë e tensionit, stresit ose lodhjes.…