“Zbërthehet” teoria, pse piratët mbulonin njërin sy

Nëse ndonjëherë ju është kërkuar të vizatoni një pirat, detyrimisht njërin sy është dashur “t’ia mbyllni” me një pëlhurë të zezë. Kjo ka qenë shenjë që i ka simbolizuar hajdutët e detit nëpër përralla apo filma aventurierë.

Por, edhe në realitet piratët e dikurshëm mund të kenë pasur këtë pamje, ndonëse kjo nuk lidhet domosdoshmërisht me problemet me të parë.

Në videon e titulluar “Fëmijëria ime është shkatërruar”, Chelsey Edwards, e njohur në rrjetin social TikTok për video, ka treguar arsyen pse piratët e mbulonin dikur njërin sy, shkroi Mirror.

“Arsyeja pse piratët e mbulonin me pëlhurë nuk është sepse kishin humbur njërin sy në betejë, ose e kishin lënduar nga grepi i dikujt. Kjo mund të ketë qenë pasi njëri sy i tyre funksiononte më mirë, dhe me qëllim që ta shfrytëzuar për të shikuar më kthjellët në dritë, njërin e mbulonin dhe shikonin me tjetrin. E kur zbritnin poshtë në kuvertë, e mbulonin syrin tjetër për të shikuar më mirë në errësirë”, ka rrëfyer ajo, duke thënë se është bazuar në disa burime.

Shumë komentues janë shprehur se kjo teori është shumë e besueshme dhe mund të jetë e qëndrueshme, për faktin se në çdo pamje të piratëve në filma, njëri sy ishte i mbyllur.

Një version i tillë se piratët mbulonin njërin sy për ta adaptuar më mirë në dritë dhe në errësirë e jep edhe roboti virtual, ChatGPT.

“Një nga teoritë është se piratët mund të kenë mbajtur njërin sy të mbuluar për të ndihmuar në përshtatjen ndaj ndryshimeve të shpejta të dritës. Kjo mund t’i ndihmonte kur kalonin nga drita e diellit jashtë në errësirën e brendshme të një anijeje ose nën kuvertë. Në këtë mënyrë, kur e hiqnin pëlhurën në errësirë, syri do të ishte përshtatur dhe do të mund të shihnin më mirë”, rekomandon ChatGPT.