Psikologu tregon se si të bëheni baba i mirë

Baballarët nuk duhet të përpiqen të jenë të përsosur, por duhet t’u tregojnë fëmijëve të tyre dashuri dhe përzemërsi rregullisht. Përveç kësaj, është e rëndësishme të ndërtohen marrëdhënie të shëndetshme midis prindërve në mënyrë që fëmija të zhvillojë konceptin e mbështetjes, dhe kjo përfshin ndihmën në punët e shtëpisë.

“Baballarët duhet të përqendrohen në fëmijërinë e tyre. Pse të mos kopjoni gjërat e bukura në familjen tuaj? Në të kundërt, duhet të shmangni atë me të cilën nuk jeni rehat,” shpjegoi psikologu Denis Hakimov.

Sipas tij, baballarët duhet të jenë të vetëdijshëm se stili i tyre i jetesës do të duhet të ndryshojë pas lindjes së fëmijës sepse do të shfaqen detyra, shqetësime dhe përgjegjësi të reja. Nëse babai nuk mund të krijojë komunikim me fëmijën, ai mund t’i drejtohet një eksperti, sipas Hakimov, shkruan Index.hr.

Shkencëtarët amerikanë nga Universiteti i Kalifornisë Jugore zbuluan një lidhje midis numrit të fëmijëve dhe perceptimit të prindërve për kuptimin e jetës. Rezultatet treguan se njerëzit me më shumë fëmijë dhe marrëdhënie dashurie më cilësore priren të gjejnë më shumë kuptim në jetë. Në të njëjtën kohë, burrat përpiqeshin për një jetë më kuptimplote se gratë.