Një Arbreshe nga Italia në Ellis Island në vitin 1905 (Foto)

Jahja Drancolli

Një Arbreshe nga Italia në Ellis Island në vitin 1905. Kjo foto është bërë pasi kjo arbreshe hyri në SHBA (Foto: Lewis Wickes Hine)!

Ndër fotografitë e shumta të Lewis W. Hine të emigrantëve që mbërrinin në ishullin Ellis në fillim të shekullit 20-të, njëra titullohet: “Gruaja Arbreshe nga Italia”. Titulli më i gjatë e përshkruan atë si “të veshur me një kostum tradicional nga vendi i saj”. Gruaja shfaqet e lodhur por edhe e vendosur. Veshja e saj është e veçantë dhe modeste, duke treguar prejardhjen e saj modeste socio-ekonomike. Fotoja e realizuar në vitin 1905 dëshmon për valën e parë të migrimit të shqiptarëve në SHBA në fillim të shek. XX. Shqiptarët, natyrisht, ishin shumë më pak në numër se sa europianët e tjerë jugorë e lindorë që erdhën në Shtetet e Bashkuara në atë kohë në kërkim të një jete më të mirë. Megjithatë, në historinë shqiptare ky migrim drejt Shteteve të Bashkuara ka një rëndësi të veçantë. Shumë emigrantë i bënë presion qeverisë së SHBA-së dhe Presidentit Wilson për të mbështetur gjendjen e vështirë të pavarësisë së Shqipërisë si shtet kombëtar. Ata luajtën një rol vendimtar edhe në ringjalljen kombëtare të historisë dhe letërsisë shqiptare. Megjithatë, në imagjinatën amerikane dhe në ato pak raporte udhëtimesh, Shqipëria mbeti një tokë misterioze, një territor i sunduar gjat nga Perandoria Osmane! /Trungu & InforCulture