Gjërat më të rrezikshme në shtëpinë tonë janë ato që nuk i imagjinoni

Rreth 906,000 lëndime çdo vit shkaktohen nga objektet që përdorim në përditshmërinë tonë. Mbi 3 milionë të tjerë lëndohen nga shkallët, rampat dhe dyshemetë

Kush tha që në shtëpi jemi të sigurt dhe nuk rrezikojmë të lëndohemi?

Sipas të dhënave nga Komisioni për Sigurinë e Produkteve të Konsumatorit, 906,000 lëndime çdo vit shkaktohen nga gjërat që prekim dhe përdorim çdo ditë, të cilat as nuk mendojmë se po na shkaktojnë dëm.

Dhe mund të duken të pafajshme, por ndoshta nuk janë, pasi janë përgjegjëse për dhimbjen e qafës, shqetësimin e shpatullave dhe dhimbjen e shpinës.

Jastëkët, shtretërit dhe dyshekët renditen në vendin e dytë në listën e produkteve shtëpiake që shkaktojnë më shumë lëndime.

Arsyet; Sipas fizioterapistëve, jastëkët e butë “ndihmojnë” tendosjen e qafës duke e bërë atë të shtrihet, duke shkaktuar dhimbje.

Për sa i përket dhimbjes së shpinës, dyshekët e vjetër që nuk ofrojnë mbështetje të mjaftueshme për të mbajtur shtyllën kurrizore në shtrirje janë përgjegjëse, ndërsa dhimbja e shpatullave shkaktohet nga gjumi me krahun nën kokë, duke tendosur tendinat.

“Sigurohuni që të ndërroni dyshekun dhe jastëkun”, sugjerojnë ekspertët.

Shkallët, karriget dhe divanet në listë

Por e keqja nuk ndalet këtu. Shkallët, rampat dhe dyshemetë shkaktojnë 2.8 milionë lëndime në vit.

Rreth gjysma e këtyre dëmtimeve ndodhin tek njerëzit 65 vjeç e lart, por dhe ato midis moshës 25 dhe 64 vjeç nuk bëjnë përjashtim.

E nëse mendoni se mbaruan, ka akoma: karriget dhe divanet janë fajtorë për 600,000 iincidentetë tjera në vit që ndodhin në situata nga më të ndryshmet. /noa.al