Zbulohen detaje të reja në lidhje me iPhone 17

 

 

Një raport i ri pretendon se Apple po përgatitet të zbatojë teknologjinë e saj më të fundit të ekranit të quajtur ProMotion

Apple më në fund mund të shtojë teknologjinë e ekranit, ProMotion në modelet e saj më të vogla se iPhone Pro në vitin 2025, kur pritet linja e iPhone 17. Një raport i ri pretendon se Apple po përgatitet të zbatojë teknologjinë e saj më të fundit të ekranit të quajtur ProMotion, e cila mundëson shpejtësi të rifreskimit deri në 120 Hz, në linjën e modeleve të iPhone që nuk kanë prefiksin Pro.

recommended by

 

FORTEX
Bëjeni këtë disa minuta para seksit që të zgjasë 3 orë!
MËSO MË SHUMË
Teknologjia e ekranit ProMotion u prezantua në serinë iPhone 14 Pro në vitin 2022. Që atëherë, ajo ka qenë ekskluzivitet për linjën e telefonave inteligjentë Apple Pro. Megjithatë, sipas një raporti të ri nga The Elec, kompania planifikon ta prezantojë teknologjinë në linjën e saj jo-Pro iPhone, duke filluar me linjën e iPhone 17 në vitin 2025.

 

Teknologjia ProMotion lejon që ekrani të ndryshojë shpejtësinë e rifreskimit të ekranit në mënyrë dinamike nga 1Hz në 120Hz. Për momentin, Apple e ka rezervuar këtë teknologji për ofertën e produkteve të saj të nivelit më të lartë, por do të duhet të ndryshojë këtë taktikë pasi konkurrenca tashmë ka filluar të zbatojë ekranet 120Hz në të gjitha modelet e saj.

Rikujtojmë, se Apple ka paraqitur tashmë planet e saj për iPhone-in e parë të palosshëm. Qëllimi i iPhone nuk është vetëm hyrja në këtë treg, por edhe zëvendësimi i kategorisë iPad mini me iPhone të palosshëm. Karakteristikat teknike të këtij produkti të ri nuk janë vendosur ende, Apple po bën teste me parametra të ndryshëm, si madhësia, pesha, diagonalja e ekranit, procesori etj.