Myku i gojës është një infeksion i shkaktuar nga përhapja e kërpudhave Candida albicans në mukozën e gojës. Mund të ndodhë në çdo moshë, por më të prekurit kryesisht janë zakonisht fëmijët dhe të moshuarit.
Për fat të mirë, është e mundur ta luftoni atë me mënyra natyrale.
Edhe pse këto alternativa nuk zëvendësojnë ilaçet antifungale, janë një ndihmë e vlefshme për të qetësuar simptomat e këtij infeksioni, shkruan EO.
Sodë buke
Ky përbërës përmban veti dezinfektuese dhe antimykotike që ndihmojnë në neutralizimin e kërpudhës Candida albicans.
Si përdoret?
Shkrini gjysmë luge sodë buke në një gotë me ujë të ngrohtë.
Përdoreni këtë lëng për të bërë gargarë për 2 minuta.
Në fund pështyjeni lëngun dhe përsëriteni këtë procedurë dy herë në ditë derisa të përmirësoheni.
Kos natyral për të trajtuar mykun e gojës
Një nga medikamentet më të mira për mykun e gojës është kosi natyral i pasur me probiotikë. Kjo kulturë bakteresh të mira vepron pozitivisht duke risjellë ekuilibrin e baktereve të shëndetshme në gojë.
Si përdoret? Gjatë simptomave të para të mykut të gojës, konsumoni dy porcione kos natyral në ditë.
Sigurohuni gjithashtu të jetë pa sheqerna sepse këto të fundit ‘ushqejnë’ mykun.
Lëng limoni
Lëngu i limonit ka efekt antiseptik dhe antimykotik mes përbërësve të tij.
Si përdoret? Përzieni lëngun e limonit me ujë të ngrohtë dhe bëni shpëlarje 3 herë në ditë.
Përgatisni një çaj me lëng limoni dhe konsumojeni mundësisht me stomak bosh.
Shafran Indie për të trajtuar mykun e gojës
Shafrani i Indisë nuk rresht së na habituri me vetitë e tij dhe sipas një studimi, kurkumina ka një efekt antimykotik kundra llojeve të ndryshme të kandidas.
Si përdoret? Si fillim, ngrohni pak ujë.
Kur të fillojë të ziejë, shtoni gjysmë lugë kafeje kurkuma (shafran Indie).
Mund të shtoni edhe pak piper të zi nëse keni dëshirë.
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…