Barrierat koralore zënë sipërfaqe në Tokë më shumë nga ç’mund ta imagjinonim

Barrierat koralore janë më të shtrira nga sa mendohej në rruzullin tokësor.

Nga imazhet satelitore të Allen Coral Atlas rezulton se në ujërat e cekëta 20-30 m ato mbulojnë një sipërfaqe prej 348 mijë km2. Gjithashtu 80 mijë km2 kanë bazen e tyre shkëmbore ku korali ka tendencën te rritet, ndryshe nga tabanet e buta ranore apo me bimë ujore.

Studimi është falë punës së një grupi ndërkombëtar ekspertësh nën drejtimin e Universitetit të Queensland në Australi. Për të krijuar hartën globale të koraleve me rezolucion të lartë, janë përdorur pamjet edhe të satelitëve Sentinel2 dhe Planet Dove CubeSat.