Kanceri i zorrës së trashë është shkaktar i vdekjes së shumë personave duke përfshirë edhe persona në moshë të re. Janë bërë shumë kërkime për të kuptuar se si mund të parandalohet, raporton Business Insider.
Shkencëtarët kanë dhënë disa rekomandime të cilat mund të ndihmojnë në parandalim.
Mënyra e parë është të ulet konsumi i mishit të kuq pasi kur ky mish përpunohet e skuqet në skarë është i dëmshëm. Mishi i papunuar, konsiderohet proshuta e mishit të derrit dhe e mishrave të tjerë, virshllet e suxhuku, mish ky që njihet gjithashtu si shkaktar i kancerit të gjirit si dhe prostatës.
Ekspertët e shëndetësisë rekomandojnë që të ulet konsumimi i mishit të kuq.
Nëse dikush preferon ta konsumojë duhet ta përgatitë në shtëpi duke e zier atë mirë.
Mënyra e dytë që dikush të mbrohet nga kanceri i zorrës së trashë është mospërdorimi i sheqerit.
Kur bëhet fjalë për sheqerin nënkuptohet se ndodhet gjithkund si përbërës sidomos në ëmbëlsirat e biskotat e paketuara nëpër dyqane, të cilat po konsiderohen shumë të rrezikshme nga ekspertët e ushqimit.
Ngrënia e tepërt e ushqimeve me sheqer çon në mbipeshë, e cila njihet si një ndër shkaktarët e kancerit të zorrë së trashë.
Onkologu dhe gastrologu Suneel Kamarth nga Klinika “Cleveland” ka thënë se duhet filluar nga reduktimi i pijeve me sheqer, të cilat janë shumë të dëmshme kur bëhet fjalë për kancerin si dhe shumë sëmundje të tjera.
Këshilla e tretë është konsumimi i ushqimeve që përmbajnë fibra, pasi ato ofrojnë shumë të mira shëndetësore, duke filluar nga tretja më e mirë e ushqimit.
Përveç që e ndihmojnë tretjen, fibrat ndihmojnë edhe në rregullimin e presionit në gjak, duke ndihmuar kështu shëndetin e zemrës.
Ato zvogëlojnë edhe kapsllëkun duke bërë që zorra e trashë të qëndrojë e shëndetshme.
Këshilla tjetër është reduktimi i konsumimit të alkoolit pasi ai është shkaktar i zhvillimit të kancerit në fyt, zorrë të trashë, mëlçi e gji.
Sa më pak alkool të konsumohet aq më të ulëta janë gjasat e zhvillimit të kancerit në njërën nga këto pjesë.
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…