Një zgjidhje e shpejtë për celularët që mund të kenë rënë në ujë tashmë është nxjerrë “jashtë loje” falë një këshille të Apple.
Më parë mendohej se futja e celularit të lagur në një qese me oriz do të përthithte ujin dhe do të rregullonte pajisjen, por në fakt kjo mund të shkaktojë më shumë dëm.
Nëse iPhone juaj laget, një shtojcë e re ju dërgon një paralajmërim që pajisja është e lagur dhe duhet të prisni derisa ta karikoni. Ndoshta do tundoheni që të merrni një qese me oriz, por Apple paralajmëron përdoruesit:
“Mos e vendosni iPhone tuaj në një qese me oriz. Kjo mund të bëjë që copëzat e vogla të orizit të dëmtojnë iPhone-n tuaj. Mos e thani duke përdorur një burim të jashtëm nxehtësie apo ajër të kompresuar. Mos përdorni sende si shkopinj veshësh apo facoletë në pjesën e portës së karikimit. Dhe mos provoni ta karikoni, nëse e bëni ndërsa pajisja është ende e lagur, mund të shkaktojë probleme të tjera”.
Apple rekomandon që të trokisni lehtë celularin për të nxjerrë ujin e tepërt dhe të siguroheni që porta e karikuesit të jetë drejtuar poshtë. Pas kësaj, lëreni në një vend të thatë me ajrim, prisni gjysmë ore dhe përsëriteni procesin.
Nëse rishfaqet lajmërimi, lëreni iPhone në një vend të thatë për një ditë që të thahet plotësisht./tvklan.al
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…