Por, Shërbimit Shëndetësor Kombëtar anglez (NHS) ka bërë të ditur se dhimbja e shpinës mund të jetë edhe një shenjë e kancerit të qafës së mitrës si “vrarës i heshtur”.
Udhëzimet nga NHS thonë se një nga shenjat kryesore është dhimbja në pjesën e poshtme të shpinës, midis kockave të ijeve ose në pjesën e poshtme të barkut.
Tre simptoma të tjera të sëmundjes janë gjakderdhja vaginale, e cila është e pazakontë, duke përfshirë gjakderdhjen gjatë ose pas seksit, midis periodave tuaja ose pas menopauzës, por edhe periodat më të rënda se zakonisht, pastaj janë ndryshimet në sekrecionet vaginale si dhe dhimbjet gjatë seksit, shkruan The Sun, transmeton Klankosova.tv.
Është e rëndësishme të theksohet se nëse keni kushte të tjera si fibroidet dhe endometrioza, atëherë mund të keni simptoma të tilla në baza të rregullta.
Shumë njerëz mësohen me këtë, por nëse simptomat tuaja ndryshojnë, atëherë është thelbësore që t’i kontrolloni ato nga një mjek i përgjithshëm.
Ndryshe, ekspertët shëndetësorë thonë se një nga mënyrat më të mira për t’u mbrojtur nga kanceri i qafës së mitrës është të bëni një test të rregullt.