Mënyrat natyrale për të qetësuar djegien e fytit!

Jemi zyrtarisht në sezonin e ftohjeve dhe viruseve që qarkullojnë kudo, por janë edhe disa sëmundje që mund të merrni për shkak të të ftohtit. I ftohti dobëson trupin, gjë që pengon sistemin tuaj të imunitetit të luftojë kundër sëmundjeve dhe të funksionojë normalisht. Ndjesia e djegies së fytit mund të shkaktohet nga disa faktorë, si urthi, refluksi gastro-ezofageal apo ngrënia e ushqimeve pikante dhe me sasi të larta yndyre. Përveç se e dhimbshme, ajo mund të jetë dhe shumë bezdisëse duke ju krijuar probleme me gëlltitjen.

Nëse po kërkoni shpëtim nga ky problem si fillim bëni gargarë me ujë të kripur. Uji i kripur mund të reduktojë ënjtjen dhe të qetësojë irritimin dhe inflamacionin. Gjithashtu mund të ndihmojë për të tërhequr infeksionet apo irritantët në sipërfaqe të fytit, ku trupi është më i aftë që të veprojë kundër tyre. Tresni 1/4-1/2 lugë çaji kripë në 230 ml ujë të ngrohtë dhe bëni gargarë çdo 1-2 orë.

Pini lëngje të ftohta. Ndoshta do ta keni të vështirë në fillim. Por, ashtu si kur vendosni akull kur keni ndrydhur kyçin e këmbës, që të qetësohet dhimbja dhe të parandalohet enjtja dhe pirja e lëngjeve të ftohta mund të mpijë fytin duke ulur dhimbjen, duke qetësuar kështu inflamacionin që po ju shkakton dhimbje. Hani mjaltë. Mjalti ka veti antibakteriale që reduktojnë irritimin. Shtoni një lugë çaji mjaltë në ujë të ngrohtë apo çaj ose mund ta hani ashtu siç është.

Ndërkaq, për të reduktuar simptomat e gripit për mëngjes zgjidhni omëletë me kërpudha. Vezët janë një burim i mirë i zinkut, një mineral që forcon sistemin imunitar. Kërpudhat, nga ana tjetër, kanë veti antibakteriale, sepse përmbajnë selen, i cili mbron nga ftohja. Gjithashtu, vitaminat e kompleksit B që gjenden tek kërpudhat kontribuojnë në funksionimin e duhur të sistemit imunitar, duke forcuar kështu trupin kundër baktereve.