<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: Uncategorized

Si ndikon borxhi në shëndetin mendor

Shumica e amerikanëve që kanë borxh, kanë pranuar se ndihen të stresuar, bazuar në një anketë të fundit të revistës “Forbes”. Ndonëse nuk janë dhenë shifra për të anketuarit, është bërë e ditur se 77 për qind e amerikanëve përballen “në ndonjë formë” me borxhe.

Sipas anketës, 54 për qind e amerikanëve që kanë borxh, kanë thënë se “shpesh ose gjithmonë” ndihen të stresuar nga rrethanat e tyre të borxhit. 32% kanë thënë se borxhi u shkakton stres “ndonjëherë”.

Si rezultat i stresit lidhur me borxhin, 48% e të anketuarve raportuan se kishin vështirësi në gjumë, 40% vunë re rritje të nivelit të ankthit, 38% raportuan se kanë probleme të shoqërohen me të tjerë dhe 34% treguan se kanë depresion.

Këto përgjigje e bëjnë të qartë se borxhi nuk ndikon vetëm në portofolin e njerëzve. Ai ndikon seriozisht në mirëqenien mendore, duke e bërë edhe më të rëndësishme gjetjen e mënyrave për të përballuar dhe për të kërkuar ndihmë kur është e nevojshme.

Gjithashtu të anketuarit kanë treguar se borxhet kanë ndikim negativ edhe në marrëdhëniet e tyre. 60% prej të anketuarve kanë thënë se stresi që u është shkaktuar nga gjendja financiare ka ngjallur mosmarrëveshje në marrëdhëniet e tyre. Pothuajse të gjithë në këtë grup kanë thënë se borxhi lëndoi marrëdhëniet kurse gjysma e grupit ka deklaruar se pati humbje të besimit në mes tyre dhe partnerëve.

Agjencia “Associated Press” ka shkruar se është mirë që borxhet të ndahen në prioritete. Shlyerja e borxhit me normën më të lartë të interesit mund të jetë më e dobishme. Ajo që njihet si metoda e përshpejtimit të larjes së borxhit, mund të jetë e dobishme nëse dikush ka stres të borxhit nga kredit kartelat. Me këtë metodë, mund të kërkohen para në interes dhe të shlyhen borxhet më shpejt.

Në sondazhin e “Forbesit”, 55% e të anketuarve përmendën rrethanat ekonomike si faktorin kryesor që i çon në borxhe. 48% e të anketuarve ia atribuuan borxhin e tyre ndikimit të përhapur të reklamave dhe konsumimit. 42% identifikuan vështirësitë në ndjekjen dhe kontrollin e shpenzimeve të tyre si arsye kryesore për barrën e tyre të borxhit. Tri të katërtat e të anketuarve (75%) përmendin kartat e kreditit si arsyen kryesore që janë në borxhe. Kreditë personale nuk janë shumë prapa, me 68% të të anketuarve që i citojnë ato si burim të rëndësishëm të asaj që u detyrohen.

InForCulture