<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: RETROSPEKTIVË

Rregullorja e parë e biçikletave në Shqipëri e përpiluar nga prefekti i Korçës, shkodrani Hil Mosi në vitin 1926

Një nga personalitetet e njohura të administratës shqiptare është Hil Mosi (1883-1933). Mësimet e para ai i mori në shkollën teknike italiane dhe në kolegjin e jezuitëve në Shkodër, për t`i vijuar më pas në Klagenfurt të Austrisë. Që në këtë periudhë ai do të angazhohet në Lëvizjen Kombëtare, duke dhënë një kontribut të rëndësishëm si publicist dhe organizator i klubeve studentore.

Në vitin 1908, Hila u kthye në Shkodër ku themeloi klubin “Gegnija” si përfaqësues i të cilit mori pjesë në Kongresin e Manastirit.

Bashkëpunimi i tij me personalitete të njohur si Dervish Hima bëri që gjatë viteve 1910-1911 ai të vendosej në Stamboll për të botuar gazetën “Shqiptari”.

Në vitet e pavarësisë ai do të jetë pjesëmarrës në disa ngjarje të rëndësishme, siç ishte Kongresi i Triestes i vitit 1913, i nxitur nga Austro-Hungaria.

Në vitin 1914, Hil Mosi do të kthehet në Shkodër ku do të zgjidhet kryetar i shoqërisë “Klubi Lidhja Kombëtare”. Në vitet 1914-1916 ai do të emërohet drejtor i policisë në Durrës e Shkodër. Në vitet 20-30 H.Mosi do të zgjidhet disa herë deputet, ministër i Arsimit, i Punëve Botore dhe prefekt.

Në detyrën e prefektit ai shërbeu disa herë në Korçë dhe një herë në Gjirokastër ku u shqua si drejtues i zoti duke vendosur norma të ngjashme me ato të qyteteve austriake. Kjo vihet re dhe nga rregullorja e parë e biçikletave në Shqipëri, të cilën ai e hartoi kur ishte prefekt i Korçës.

Sipas një shkrese që i dërgonte Ministrisë së Brendshme më 15 janar 1926, ai e vinte në dijeni këtë dikaster se për shkak të disa incidenteve të vogla që kishin ndodhur në qytetin e Korçës nga biçiklistë të pastërvitur mirë, e kishte parë të arsyeshme të miratonte një rregullore.

Sipas saj, çdo biçikletë duhej protokolluar në Bashki me një numër i cili do të vendosej prapa saj; ajo duhej të ishte e pajisur me bori, për të sinjalizuar këmbësorët; të kishte një llambë për tu ndezur në mbrëmje ose kur kishte mjegull. Biçikletat nuk duheshin përdorur kur kishte fëmijë, në raste tubimesh ose festash; ata që nuk kishin fituar aftësitë e nevojshme, nuk duhej ta përdornin biçikletën në qytet; ndërsa për fillestarët kërkohej që ta mësonin në periferi. Shkelja e kësaj rregulloreje parashikonte gjoba dhe masa të tjera administrative.

Rregullore dhe procedura të tjera të ngjashme për mbarëvajtjen e përdoruesve të biçikletave në kryeqytet do të përpilohen edhe në vitet në vazhdim. Por e para mbetet ajo e Hil Mosit në vitin 1926

InForCulture