Eklipsi i rrallë diellor, Hëna “vishet” me një unazë zjarri!

Një eklips diellor do të shfaqet në qiejt mbi Amerikën Veriore, Qendrore dhe Jugore të shtunën e 14 tetorit, duke krijuar një spektakël të veçantë për të gjithë njerëzit që do mund ta shohin.

Eklipsi diellor unazor ndodh kur Hëna kalon midis Tokës dhe Diellit, duke bllokuar shumicën, por jo plotësisht të gjithë dritën e Diellit.

Quhet një eklips unazor, sepse vetëm një unazë e hollë ose unazë drite mbetet e dukshme.

“Një eklips unazor ndodh vetëm kur hëna është në pikën e saj më të largët nga Toka. Në perspektivë për ne në Tokë, ajo nuk e bllokon plotësisht dritën nga dielli, kështu që ju merrni këtë unazë të pabesueshme zjarri rreth hënës”, shprehet agjencia hapësinore e NASA.

Eklipsi unazor diellor fillon në Oregon në orën 09:13 me orën lokale (17:13 BST), kalon nëpër Kaliforni, Nevada, Utah, New Mexico dhe përfundon në Teksas në 12:03 lokale (18:03 BST), shkruan BBC.

Me një eklips unazor për shkak se rrezet e diellit nuk janë plotësisht të bllokuara, ju duhet të përdorni syze eklipsi, shpjegojnë shkencëtarët. Shmangni shikimin direkt në Diell, pasi mund të shkaktojë dëmtim të rëndë të syrit ose verbëri.

Kushdo që shikon drejt qiellit duhet ta bëjë këtë vetëm me ndihmën e pajisjeve mbrojtëse të shikimit, të tilla si syzet e miratuara të eklipsit