Ngritja shumë e shpejt në këmbë shpesh mund t’ju bëjë të ndiheni të trullosur – por ndonjëherë është një shenjë që duhet të vizitoni një mjek.
Kjo është një dukuri e zakonshme dhe nuk është diçka për të cilën duhet të shqetësoheni.
Reagimi, i njohur mjekësisht si hipotension postural ose ortostatik – shkaktohet nga një ndryshim i shpejtë i pozicionit të trupit tuaj. Mund t’ju bëjë të humbni ekuilibrin ose të shkaktojë që shikimi juaj të humb përkohësisht.
Kjo është për shkak të një rënie të përkohshme të presionit të gjakut që redukton furnizimin me gjak dhe oksigjen në tru. Furnizimi me gjak në retinë gjithashtu bie, duke shkaktuar errësirë në shikim.
Dr Stephen Juraschek, tha për Live Science: “Kur njerëzit ngrihen në këmbë, rreth 300 deri në 800 cm kubikë gjaku tërhiqen në këmbë, duke çuar në një rënie të përkohshme të presionit të gjakut”, shkruan “The Sun”, transmeton KlanKosova.tv.
Kjo rënie informohet nga arteriet tuaja, duke shkaktuar një përgjigje të gjithë trupit për të stabilizuar presionin e gjakut. Enët e gjakut ngushtohen, muskujt e këmbëve dhe barku tkurren dhe rrahjet e zemrës rriten.
Normalisht kjo nuk shkakton ndonjë simptomë të dukshme, por mund të duhet më shumë kohë për t’u stabilizuar nëse jeni të dehidratuar ose ndiheni të sëmurë. Megjithatë, mund të jetë problem nëse e përjetoni rregullisht.
Dr Juraschek tha: “Hipotensioni postural mund të jetë veçanërisht shqetësues nëse vazhdon për më shumë se tre minuta”.
Kjo mund të jetë një shenjë e dëmtimit nervor në raste të rralla, që po ndikon në sistemin nervor autonom.
Sipas Mayo Clinic, kjo mund të nënkuptojë gjithashtu se vuani nga rrahjet e ulëta të zemrës, sheqeri i ulët në gjak ose disa sëmundje të tiroides.
Kushtet e tjera të lidhura përfshijnë dështimin e zemrës, mungesën e vitaminës B12, alkoolizmin, Parkinson, Alzheimer, anemi dhe aterosklerozë, sipas NHS
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…