<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: SOCIALE

Pse fëmijët janë bërë më dembelë?!

Disa studime kanë treguar se, gjatë pandemisë, fëmijët bënin më pak aktivitet fizik, si pasojë e bllokimeve dhe masave kufizuese. Por çfarë ndodhi më pas? A lëvizin fëmijët sërish sa më shpejt të jetë e mundur? Një studim britanik i botuar në Revistën Ndërkombëtare të Sjelljes së Ushqyerjes dhe Aktivitetit Fizik kërkoi t’i përgjigjet kësaj pyetjeje, i cili krahasoi aktivitetin fizik të dy grupeve të fëmijëve 10 dhe 11-vjeçarë dhe prindërve të tyre para dhe pas pandemisë së Covid.

Studiuesit fillimisht matën nivelet e aktivitetit fizik të gati 400, 10-11-vjeçarëve, të përzgjedhur nga 23 shkolla fillore në zonën e Bristol (Angli) midis majit dhe dhjetorit 2021, kur kufizimet anticovid tashmë ishin lehtësuar. Më pas ata i krahasuan këto të dhëna me ato të rreth 1300 fëmijëve të së njëjtës moshë, të mbledhura tre vjet më parë.

Studimi zbuloi se, pas pandemisë, fëmijët ishin më pak aktivë dhe më të ulur: mesatarisht, koha e shpenzuar në aktivitet fizik të moderuar ose të fuqishëm u ul me 8 minuta në ditë – një rënie prej 13% nga nivelet parapandemisë, kur ata shpenzonin rreth një orë në ditë për t’u ushtruar. Në të njëjtën mënyrë u shtuan edhe momentet e jetesës sedentare, duke shënuar +30 minuta në ditë gjatë javës dhe +15 minuta gjatë fundjavës.

Ndryshe nga studimet e tjera të kryera gjatë izolimeve, theksojnë studiuesit në një artikull në The Conversation, ky hulumtim nuk gjeti dallime në gjini apo kontekst socio-ekonomik: pavarësisht nga të ardhurat dhe gjinia, koha e kushtuar aktivitetit fizik reduktohet dhe sedentaria u rrit në të njëjtën mënyrë në të gjithë fëmijët e analizuar. Prindërit, nga ana tjetër, ishin më aktivë se fëmijët e tyre: me lehtësimin e kufizimeve, aktiviteti i tyre fizik u kthye në nivelet para pandemisë.

Hapi tjetër është të kuptojmë nëse kjo prirje për përtaci është momentale apo është një dembelizëm i qëndrueshëm: nëse po, do të jetë e nevojshme të zbulohen arsyet dhe të gjendet një mënyrë për t’i inkurajuar fëmijët të jenë sërish aktivë. Për ta bërë këtë do të kërkohen studime të reja, më të mëdha, që përfshijnë vullnetarë nga pjesë të ndryshme të botës, për të kuptuar plotësisht shkallën e problemit. FCS

InForCulture