<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

Eksperimentet e thjeshta shkencore që duhet t’ua shpjegoni fëmijëve

Telegrafi më poshtë ju sjellë disa eksperimente interesante shkencore, të cilat do t’ju ndihmojnë të krijoni një lidhje të veçantë me fëmijët, e gjithashtu ata do të mësojnë gjëra të mahnitshme rreth shkencës.

Tullumbacja zjarrduruese

Ju duhen: Dy tullumbace, një qiri dhe ujë

Eksperimenti: Fillimisht e mbushni me ajër tullumbacen e parë dhe e mbani sipër një qiri për t’ju demonstruar fëmijëve që zjarri bën që tullumbacja të shpërthejë. Pastaj, e mbushni tullumbacen e dytë me ujë dhe e mbani prapë mbi qiri, transmeton Telegrafi.

Në këtë rast do të shihni se tullumbacja do të mund ta durojë nxehtësinë e zjarrit.

Shpjegimi: Uji në tullumbace e absorbon nxehtësinë që lirohet nga qiri, prandaj materiali i tullumbaces nuk nxehet, e as nuk shpërthen.

Truku me lapsa

Ju duhen: Një qese polietileni, disa lapsa dhe ujë

Eksperimenti: Mbusheni gjysmën e qeses së polietilenit me ujë dhe me lapsa shponi vendet e mbushura me ujë.

Shpjegimi: Nëse e shponi qesen me lapsa dhe pastaj e mbushni atë me ujë, uji do të rrjedhë nga vrimat që i keni krijuar. Por, nëse në fillim e mbushni me ujë dhe pastaj e shponi qesen me lapsa, uji nuk do të rrjedhë aspak.

Ky është rezultat i faktit që kur polietileni thyhet, molekulat e veta afrohen së bashku. Në këtë rast, polietileni ngushtohet përreth lapsave.

Veza lundruese

Ju duhen: Dy vezë, dy gota ujë, pak kripë

Eksperimenti: Me kujdes e vendosni një vezë në një gotë të mbushur me ujë dhe do të shihni që veza do të fundoset në thellësinë e gotës. Pastaj, derdhni pak ujë të nxehtë në gotën e dytë dhe hidhni 4-5 lugë gjelle të mbushur me kripë në të.

Ky truk do të funksionoj më mirë nëse pritni derisa të ftohet uji. Pastaj, pasi të jetë ftohur uji e vendosni vezën e dytë. Do të shihni që në gotën e dytë, veza do të lundroj mbi sipërfaqe në vend se të fundoset në thellësi të gotës.

Shpjegimi: Çelësi këtu është se densiteti i molekulave që i bën veza dhe uji. Densiteti mesatar i një veze është shumë më i madh se ai i ujit, prandaj uji e fundos atë. Mirëpo, densiteti i ujit me kripë është shumë më i lartë se i vezës, prandaj veza nuk fundoset.

InForCulture