Milingonat nuk janë kurrë mysafire të mirëpritura, por ato janë të nevojshme në sistemin natyror
Milingonat janë mjaft të bezdisshme dhe është e vështirë t’i dëbosh nga shtëpia sepse vazhdimisht kërkojnë ushqim, madje edhe thërrimet e vogla në dysheme pas drekës mund t’i marrin me vete.
Mirëpo, siç shpjegojnë njohësit e mirë të insekteve, kur një milingonë lë folenë e saj në kërkim të ushqimit, ajo lë pas një gjurmë feromonesh.
Kur gjen ushqim, ajo e ndjek atë gjurmë prapa, duke lënë pas më shumë feromone, në mënyrë që milingonat e tjera të mund të ndjekin gjurmët e saj, transmeton Telegrafi.
Nëse kjo ndodh, shumë shpejt një ushtri e tërë e atyre insekteve të bezdisshme do të hyjë në shtëpi në kërkim të çfarëdo ushqimi – nga kokrrat e sheqerit, te thërrimet e bukës dhe ushqimet e mbetura në pjata.
Janë të njohura më shumë se 12.000 lloje milingonash, të cilat në përgjithësi kanë ngjyrë të zezë, kafe ose të kuqe dhe kanë një trup të segmentuar në tri pjesë. Duke filluar nga madhësia nga rreth 1 mm deri në rreth 3 cm, milingonat zakonisht banojnë në tokë, gjethe ose bimë të kalbura – dhe herë pas here në kuzhinat tona.
Milingonat mund të bashkohen për të formuar një “superorganizëm” të madh dhe të koordinuar.
Milingonat përgjithësisht jetojnë në koloni që ndonjëherë përbëhen nga miliona prej tyre të ndara në grupe me role të ndryshme si punëtorë, ushtarë dhe mbretëresha. Punëtorët, të gjitha femra, kujdesen për mbretëreshën më të madhe dhe pasardhësit e saj, mirëmbajnë folenë dhe kërkojnë ushqim. Meshkujt çiftëzohen me mbretëreshat dhe më pas vdesin. /Telegrafi/
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…