Bekim Fehmiu: Besa është vlera më e lartë etike tek shqiptarët…

Mes aktorësh më të mëdhenj të artit shqiptar, patjetër që është edhe Bekim Fehmiu.

Aktori i shquar rrjedh nga një familje e njohur gjakovare. I ati i tij, Ibrahim Fehmiu, njihej për patriotizmin e tij dhe ishte ndër mësuesit e gjeneratës së parë në Kosovë.

Fehmiu, mallin dhe dashurinë e tij për Shqipërinë e ka shprehur gjithmonë, ani pse pjesën e tij më të madhe të jetës e ka kaluar në Serbi.

Ai e kishte vizituar Shqipërinë në vitin 1972.

Një nga citatet më të njohura të aktorit Bekim Fehmiu, janë këto fjali që ai kishte thënë për besën dhe shqiptarët.

“Jo vetëm për mua, por edhe për të gjithë shqiptarët, besa është vlera më e lartë etike njerëzore. Besa ishte më e fortë se çdo marrëveshje. Për shkak të besës, shqiptarët gjatë historisë kanë paguar me kokë edhe për devijimet e tyre. Besa ishte karakteristikë që i përcaktoi shqiptarët dhe i bëri të çmuar në raport me botën që i rrethonte […]”