Përplasja e dy ministrive të Francës, si tentoi ta pengojë ministri pro-serb Rugovën për të shkuar në Francë?

Diplomati dhe shkrimtari i njohur shqiptar, Besnik Mustafaj i cili ndër tjera shërbeu edhe si ambasador i Shqipërisë në Francë, në emisionin “FAKTE me Adnan MEROVCIN” ka rrëfyer disa nga ngjarjet më të rëndësishme që ndodhën në Kosovës gjatë dekadës para çlirimit, ku në shumicën e tyre ishte edhe vet faktor.

Mustafaj u shpreh se gjatë asaj kohe, çështja e Kosovës ishte gjithmonë temë diskutimi mes tij dhe diplomatëve francez.

Si njërën ndër ndodhitë e rëndësishme gjatë asaj kohë, ai e sheh edhe arritjen e një takimi mes ministrit të Jashtëm, Allen Zhype dhe presidentit Rugova, takim ky i cili sipas tij ishte shumë i vëshitrë për t’u realizuar.

“Ishte takim shumë i vështirë për t’u realizuar nga ana ime, sepse Serbia kishte rrënjë të thella në diplomacinë franceze, në politikën franceze por edhe në botën intelektuale franceze. Ishte i vështirë sepse Shqipëria ‘de jure’ nuk ishte zëdhënëse e Kosovës, sepse Kosova ishte pjesë e një shteti tjetër. ‘De fakto’ ne bëheshim zëdhënës të problematikës që kalonte Kosova, por ligjërisht nuk e kishim këtë të drejtë”, shtoi ndër tjera ai.

Përveç këtyre vështirësive, presidentit Rugova i kishte dalë edhe një tjetër vështirësi e cila e vështirësonte shkuarjen e tij në këtë takim, ku ministri ZHYPE veçse kishte filluar ta priste.

Ministri i brendshëm i Francës që ishte shumë pro-serb e kishte bllokuar në aeroport presidentin Rugova, duke mos ia dhënë vizën./kosovaime

Ky moskuptim që ndodhi mes dy ministrive franceze, asaj të brendshme dhe asaj të jashtme arriti të ketë një zgjidhje.