Categories: HISTORI/ARKEOLOGJI

Monument kulture, “Shpella e Ciklopit homerik” mbulohet me dhe’

Shpella e Ciklopit e ndodhur në Himarë e cila ka qenë e banuar deri në periudhën e neolitit të ri, po bllokohet me dhera prej punimeve private. Banorët e Himarës ngrenë alarmin për monumentin që bart vlera historike e kulturore për vendin. Po ashtu ajo është e njohur dhe në mitologji për përleshjen e Odisesë.

Shpella e Spilesë në Himarë, monumenti i mbrojtur nga shteti, me rëndësi jetike për historinë e qytetit, tashmë po mbulohet me dhe.

Gërmimet e para në të kanë nisur në vitin 1939, ndërsa në 1963-in është shpallur monument kulture, pasi u konstatua se ka qenë e banuar deri në kohën e Neolitit të ri.

Banorët e Himarës janë ata të cilët ngrenë shqetësimin. Sipas tyre hedhja e dheut në të dhe  betonizimi është një skandal.

“Kryetarët e bashkisë e kanë zaptuar: njëri ka zaptuar këtë, tjetri ka zënë shpellën tjetër dhe ka hedhur beton atje. Dhe këta të dy e kanë bllokuar shpellën. Kjo është shpella homerike. Kjo është monument kulture që mbrohet nga shteti”, shprehet banori.

Ata akuzojnë pushtetin lokal të Himarës, që sipas tyre për interesa personale të disa shtetasve po mbulon shpellën duke bërë që të humbasë rëndësia dhe vlera e saj historike

“Këtu gabimin më të madh e ka bashkia e Himarës. Shikoni çfarë ka bërë ajo?! Në behar e jep këtë për parkim, në vend që ta përdorë për vizitorët që të vijnë dhe të mësojnë historinë e Himarës, por e bën për parkim”, thekson banori. 

Ata kërkojnë më tepër vëmendje për shpellën e njohur ndryshe si e Cikllopit nga mitologjia.

“Ne, a ka mundësi t’japim jetë kësaj. Sepse nuk ka fëmijë në këtë botë që nuk ka dëgjuar historinë e Ciklopit. Nuk mbulohet historia dhe moslejimi i Homerit, mosnjohja e Odisesë të çon në këto rezultate”, thotë një tjetër banor.

Në mitologji thuhet se në rrugën në kthim të Odisesë për në Itakë ai është ndalur në fshatrat e Vlorës dhe pikërisht në Himarë në shpellën e Spilesë ku është zhvilluar edhe skena e ndeshjes me Ciklopin.

Ulysses giving wine to the Cyclops Polyphemus. From “Stories From Homer” by Alfred J. Church, illustration by John Flaxman. Published by Seeley, Jackson & Halliday, London, 1878. whitemay
InForCulture

Recent Posts

Gjeniu i teknologjisë – 13 vjeçari nga Kosova që kupton teknologjinë si një ekspert

Kaon Krasniqi është një 13-vjeçar nga Kosova që ka tërhequr vëmendje të gjerë me aftësitë e…

18 minutes ago

Sanxhaku në Luftën e Parë Botërore

Edit Durham: “Nëse shqiptarët ua kursyen jetën serbëve në tërheqje, të cilët më parë nuk kishin…

28 minutes ago

Trendi i vendosjes së letrës së tualetit në frigorifer, çfarë fshihet prapa këtij truku viral?

Ju mund të pyesni veten se çfarë lidhje ka letra higjienike me frigoriferin? Ky truk…

2 days ago

A kanë lëkurë të zezë arinjtë polarë poshtë gëzofit të bardhë?

Arinjtë polarë në fakt nuk janë të bardhë. Ja pse Arinjtë polarë kanë lëkurë të…

2 days ago

A e dini pse nuk duhet të hani banane për mëngjes?

Banania është një frut tropikal popullor, i pasur me vitamina dhe minerale. Për shkak të…

2 days ago

Luftoi për çështjen kombëtare, cili ishte “Isa Boletini” i Çamërisë! Roli për mbrojtjen e trojeve shqiptare dhe kontaktet e Themistokli Gërmenjit

Nga: HAJREDIN ISUFI HISTORIAN Fshati Koskë bën pjesë në fshatrat e Kazasë së Filatit. Koska është…

2 days ago