Fotoja që realizohet vetëm një herë në jetë

Astrofotografi suedez Göran Strand ka kapur një fenomen të çuditshëm meteorologjik me lentet e tij.

Në mesin e dhjetorit të vitit të kaluar ai ishte duke shkuar për në zyrën e tij kur pa një aureolë diellore. “Unë nuk e kam planifikuar këtë foto,” tha ai, duke folur për My Modern Met.

“Kam marrë kamerën dhe dronin tim dhe kam çuar deri në pikën ku e dija se do të kisha qytetin dhe aureolën së bashku”.

Me diellin në pikën e tij më të lartë mbi qytetin e Östersund, ai e dinte se kishte kapur një foto që realizohet vetëm një herë në jetë.

Rezultati ishte i tillë që fotografia e tij u zgjodh nga NASA si Fotografia e Astronomisë së Ditës.

Në foton e tij, aureola diellore shkëlqen mbi një urë që lidh Östersund me ishullin Frösön.

“Mbi Frösön mund të shihni një re të vogël tymi që ngrihet nga ishulli. Është borë e prodhuar nga topat e borës në

Gustavsbergsbacken, shpatin lokal të borës. Këta kristale të vegjël akulli që prodhojnë topa bore kanë një formë pothuajse të përsosur dhe kanë një tendencë për të formuar një halo diellore. Aureolët diellore janë më shpesh të dukshme pranë vendpushimeve të skive që kanë topa bore që prodhojnë këto kristale perfekte akulli”, shpjegoi ai.