Kikirikët e zier mund të jenë zgjidhja për të trajtuar alergjinë ndaj tyre

Konsumimi i sasive të vogla, të njëpasnjëshme kikirikësh të zier mund t’i ndihmojë fëmijët ta kalojnë alergjinë ndaj tyre. Një studim i ri, i publikuar në “Clinical & Experimental Allery”, zbuloi se 80% e fëmijëve me alergji ndaj kikirikëve bëhen imunë nëse ndjekin provën.

3% e fëmijëve në vendet perëndimore vuajnë nga alergjia prej kikirikut dhe shkencëtarët gjetën një mënryë që të reduktojnë rrezikun e ekspozimit aksidental ndaj tyre dhe të përmirësojnë cilësinë e jetës.

Studimi i ri bazohet në zbulime të mëparshme që ndikojnë në strukturën e proteinave dhe vetive alergjike të kikirikëve, duke i kthyer ata në më pak të rrezikshëm për reaksione alergjike. Shkencëtarët provuan një terapi që përfshinte dhënien e dozave të vogla që shkonin në rritje, të kikirikëve të zier duke vazhduar me të pjekur.

“Doza të vogla në rritje me kikirikë të zier iu dhanë fillimisht fëmijëve për t’i imunizuar ata dhe kur nuk treguan shenja reaksioni alergjik, u vazhdua me kikirikë të pjekur për të rritur tolerancën ndaj tyre gjatë fazës tjetër të trajtimit”, shkruan bashkautori Tim Chataway.

Kërkuesit iu kërkuan 70 fëmijëve me alergji prej kikirikëve, nga mosha 6-18 vjeç që të konsumonin kikirikë të zier për 12 orë për 12 javë, kikirikë të zier për 2 orë për 20 javë dhe kikirikë të pjekur për 20 javë.

56 nga 70 fëmijë (80%) u imunizuan me konsumimin  e dozës ditore prej 12 kikirikësh të pjekur pa asnjë reaksion alergjik. Efekte anësore nga trajtimi u raportuan nga 60 prej pjesëmarrësve, por vetëm 3 prej tyre hoqën dorë nga eksperimenti.

Shkencëtarët theksojnë se kjo metodë trajtimi mund të mos funksionojë për këdo, por mund të kuptohen më mirë se cilët faktorë ndikojnë në mënyrën si pacientët i përgjigjen kurimit./tvklan.al