Tri herë në ditë pini këtë çaj: “Shëron” fshikëzën dhe lukthin, por pengon edhe rënien e flokëve

Këputja e arave më së shpeshti përdoret për shërimin e inflamacionit të kanaleve të urinimit, por ka edhe cilësi të tjera shëruese

Këputja e arave (lat. Equisetum arvense), është bimë shëruese e cila ka prejardhjen nga koha e romakëve dhe grekëve të vjetër dhe është përdorur tradicionalisht për ndërprerjen e gjakrrjedhjes, shërimin e të thatit dhe plagëve, për shërimin e tuberkulozit dhe për problemet me veshkat.

Këputja e arave (bishtkali) përmban silic, i cili ndihmon në forcimin e kockave, por shpesh përdoret si diuretik, por edhe si përbërës në kozmetikë, transmeton Telegrafi.

Konsumimi i rregullt i çajit të këputjes se arave lehtëson ngërçet e fshikëzës dhe urinimin e dhimbshëm, si dhe është i shkëlqyeshëm për problemet që lidhen me gurët në veshka, dhe përmirëson pasqyrën e gjakut, sëmundjet e lëkurës (ekzema, dermatiti atopik, dermatiti i kontaktit), ndihmon me ulcerat e stomakut, si dhe inflamacionin e organeve të tretjes.

Reklama

Përveç kësaj, bishtkali përdoret edhe për gazrat e shpeshta në stomak dhe sëmundjet e kockave. Çaji ka një efekt të dobishëm në aterosklerozën dhe presionin e lartë të gjakut, nervozizmin, aneminë dhe sëmundjet metabolike.

Kjo bimë është gjithashtu një aleat i shkëlqyer në industrinë e bukurisë. Mund të ndihmojë në rënien e flokëve, e cila mund të parandalohet me konsumimin e rregullt të çajit, por edhe me shpëlarjen e flokëve me çaj të freskët pas çdo larjeje. Për shkak të përbërjes së tij karakteristike mund të përdoret si tonik në trajtimet kundër rrudhave të fytyrës dhe në rast të plagëve të përflakur në lëkurë përdoret si llapë.

Çaji i këputjes së arave

Mënyra e përgatitjes:

Hidhni një lugë çaji me 2 dcl ujë të vluar, mbulojeni dhe lëreni të qëndrojë për 30 minuta, më pas kullojeni. Pini 2 dcl çaj pa sheqer tri herë në ditë para ngrënies.

Reklama

Çajin rastaviç mund ta pini çdo ditë dhe për shkak të shijes së këndshme nuk është e nevojshme ta konsumoni të ngrohtë, por mund ta pini edhe kur është i ftohtë. /Telegrafi/