Shumë njerëz, qofshin më të rinj apo më të vjetër, kanë zbuluar në fakt se mbajtja e kafshëve shtëpiake i ndihmon ata të kapërcejnë ndjenjat e ankthit
Besohet se mbajtja e një mace në duar, qoftë edhe për disa minuta, me përkëdhelje të butë mund të përmirësojë ndjeshëm gjendjen shpirtërore të një individi.
Megjithëse qentë janë shpesh zgjedhja numër një kur dikush ka nevojë për një kafshë shtëpiake për mbështetje emocionale, ka diçka jashtëzakonisht ngushëlluese te macet.
Sipas hulumtimeve të fundit, ato janë kafshë shtëpiake ideale për të gjithë ata që luftojnë me ankthin, transmeton Telegrafi.
Macja bishtshkurtër amerikane
Kjo racë është shumë interesante sepse ka një karakter të pazakontë. Në një moment ajo mund t’ju argëtojë me çapkënllëqet e saj, dhe në një tjetër mund të jetë “shpatulla juaj” nëse ndiheni në ankth. Gjithashtu, kjo është një nga speciet e rralla që i përgjigjet mirë stërvitjes dhe nuk e ka problem të mbajë zinxhir. Në këtë rast, nëse jeni dikush që ndihet më mirë pas një shëtitjeje, me siguri do të jeni të lumtur të dëgjoni se mund ta merrni kafshën tuaj me vete.
Macja kaçurrele amerikane
Nëse është e mundur të veçojmë macen më të lezetshme nga të gjitha macet në botë, atëherë është pa dyshim macja kaçurrele amerikane. Thuhet se macja është e orientuar drejt njerëzve, që do të thotë se me kënaqësi do të ndjekë gjurmët e pronarit të saj. Nuk ka asnjë shans që të ndiheni të vetmuar dhe të braktisur në shoqërinë e kësaj mace me veshë të palosur pas. Këto mace janë gjithashtu shumë të përshtatshme, kështu që nëse lëvizni ose ndryshoni diçka të rëndësishme në jetën tuaj, kafsha juaj do të jetë me ju.
istockphoto
Macja birmaneze
Si një nga macet më dembele dhe sigurisht më të relaksuara në botë, raca birmaneze e “di” vërtet se çfarë do të thotë fjala dekompresion. Nëse keni nevojë të keni pranë jush dikë që ka një efekt qetësues, është padyshim kjo mace. Ajo tenton të favorizojë një person në jetën e saj mbi të gjithë të tjerët, kështu që nëse ajo ju përjeton si shoqen e saj më të mirë, ajo do të jetë besnike ndaj jush përgjithmonë. Macja birmaneze është me të vërtetë krijesa perfekte për mbrëmjet dembele të verës.
Reklama
Macja kartuziane
Disa shekuj më parë, këto mace ishin shoqëruese besnike të murgjve francezë. Deri më sot, ato kanë ruajtur anën e tyre besnike të personalitetit dhe nuk ka asgjë që u pëlqen më shumë sesa t’u bëjnë shoqëri pronarëve të tyre. Leshi me gëzof, blu-gri i kësaj mace është i përsosur për t’u përqafuar dhe sytë e saj të mëdhenj të artë janë aq qetësues sa që me të vërtetë do të harroni gjithçka që ju shqetëson. /Telegrafi/
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…