Rënia e flokëve te meshkujt dhe lidhja me pijet energjike

Një grup shkencëtarësh kanë ardhur në përfundim se pijet me shumë sheqer përfshirë këtu edhe ato energjike kanë një lidhje të ngushte me rënien e flokëve te meshkujt.

Studimi u krye nga shkencëtarët kinez mbi 1000 njerëz dhe u publikua në ditarin e hulumtimeve, “Nutrients”.

Ekspertët nga Universiteti i Beijing zbuluan se personat të cilët konsumojnë një numër të madh të pijeve energjike, pijeve të ndryshme sportive madje edhe çaje e kafe shumë të ëmbla, janë më të rrezikuar nga rënia e flokëve.

Për të dalë në këtë përfundim, meshkujve që ishin të përfshirë në studim u është dashur t’i konsumojnë çdo javë deri në 3 litra lëngje të lartpërmendura.

Në fund ata vërejtën se personat që konsumuan më shumë se një pije të ëmbël në ditë, rrezikonin deri në 42 për qind më shumë që t’iu bien flokët, në krahasim me personat që konsumuan më pak.

Meshkujt që po përjetonin rënie të flokëve pranuan se kanë konsumuar mbi 12 pije energjike në javë.