“Sekretet” e fshehura që nuk i kemi ditur deri më sot

Ka disa “sekrete” të produkteve të përditshme tonat, të cilat nuk i kemi ditur deri më sot, e shumë prej tyre janë vërtetë misterioze.

Shumë prej nesh janë munduar të aludojnë rreth këtyre “sekreteve”, por që nuk ia kanë arritur ta bëjnë këtë gjë.

Por cilat janë disa prej tyre?

1 – Vrima e vogël në dryn  – Nëse kemi parë me vëmendje drynat, që i përdorim rëndom në shtëpitë tona, në pjesën e poshtme ato kanë një vrimë të vogël, që mesa duket shërben si një kanal kullues, që kur dryni mbushet me ujë si pasojë e shiut, uji kalon nëpër kanalet e brendshme dhe del prej aty nëpërmjet kësaj vrime.

2 – Kunjat e kokave të sediljes – Për ata që kanë makinë, duhet ta kenë konstatuar, qoftë edhe aksidentalisht, që kokat e sediles kanë dy kunja hekuri, që shërbejnë jo vetëm për të fiksuar ato në sedilje për të mbështetur kokën, por edhe për thyer xhamin e makinës në rast të ndonjë aksidenti

3 – Varëset e rrobave prej druri – Jemi mësuar që varëset e rrobave ti kemi në shtëpi prej plastike ose metalike, por së fundmi janë shtuar në masë edhe ato prej druri, edhe pse duhet thënë kushtojnë disi. Sipas krijuesve, ky material shërben edhe për të mbajtur insektet larg.

4 – Vazelina për të eliminuar zhurmën e dyerve – Shumë prej nesh në shtëpitë tonë kemi probleme me zhurmën e dyerve sa herë i hapim apo i mbyllim ato. Por, mos u shqetësoni, zgjidhja sapo u gjend. Për këtë shërben vazelina, e cila eliminon në maksimum zhurmën e menteshave të dyerve.

5 – Vrima poshtë shishes së verës – Për të pasionuarit pas verës, mund ta kenë konstatuar që në pjesën fundore të shishes ka një gropë, e cila shërben për ti dhënë verës stabilitetin e mbajtjes së sasisë së nevojshme të gazit.

6 – Vrima në bishtin e tiganit – Deri më tani e paskemi pasur gabim kur kemi menduar se vrima në pjesën fundore të tiganit është për ta varur atë diku. Por jo, duket se ajo është bërë enkas për të vendosur lugën e gatimit brenda saj në mënyrë që të mos ta lëmë kudo, ndërkohë që presim që gjella bëhet gati për ta përzier.

7 – Vrimat e vogla në dritaren e avionit – Shumë prej nesh mund të jenë çuditur teksa kanë vënë re se në dritaren e avionit gjendet një vrimë e vogël, e cila në një farë mënyre “të kall datën”, por ja që ajo është diçka tepër pozitive, pasi shërben për të balancuar diferencën e presionit të lartë si pasojë e rritjes së lartësisë së avionit.

8 – Vrima e vogël mes kamerës dhe blicit të iPhone – Mund të jemi kuriozuar jo pak nëse jemi përdorues iPhone dhe kemi vënë re që në pjesën e prapme, mes kamerës dhe blicit ndodhet një vrimë e vogël, e cila mesa duket nuk është gjë tjetër veçse një mikrofon ekstra. 

9 – Xhepat përpara të brendshmeve të grave – Nëse jeni femër, mund të keni konstatuar që në pjesën e përparme të të brendshmeve mund të keni konstatuar një xhep të vogël. Ajo nuk është asgjë më shumë sesa një shtesë mbrojtëse e qepur nga fabrika.