Gjendet në bregdetin e Brazilit një skelet ku duket si dora e një alieni, çfarë thonë shkencëtarët?

Një skelet që u gjend në breg në një plazh në Brazil këtë javë ngjalli frikë tek një çift që thanë se duket si dora e një alieni, por një biolog siguron se është e kësaj bote.

Leticia Gomes Santiago dhe i dashuri i saj, Devanir Souza, po shëtisnin përgjatë vijës bregdetare ku panë një dorë gjigante me gishta të gjatë kockor.

Këto imazhe janë parë nga biologu detar Eric Comin i cili tha se dora i përkiste një cetace – një gjitar ujor që përfshin balena, delfinët dhe derrat. Dhe bazuar në dekompozimin, kafsha e oqeanit ka ngordhur rreth 18 muaj më parë.

Ndërsa skeleti i dorës duket si aliene, është një tipar nga paraardhësit e hershëm të balenave që kanë ecur në tokë rreth 50 milionë vjet më parë.

Skeleti i dorës u gjet në Ilha Comprida, shteti São Paulo, Brazil, më 20 Nëntor.

Për shkak të madhësisë së tij, biologu Comin tha se kockat ndoshta i përkisnin një delfini, pasi ata gjenden zakonisht në rajon.

Biologu shtoi se kushdo që gjen mbetje kafshësh në plazh duhet të njoftojë agjencinë mjedisore të rajonit, Institutin e Kërkimeve Cananéia (IPEC), sipas Daily Mail.

Zëdhënësi i IPEC Henrique Chupill, i cili gjithashtu tha se skeleti me siguri i përket një cetace, tha: Ne gjithmonë kemi prioritet lënien e kockave në plazh, kështu që nuk ndërhyn në ciklin e lëndëve ushqyese brenda ekosistemit. Kur ka ndonjë interes shkencor, i mbledhim për studime. Nëse janë kafshë të ngordhura së fundmi, ne i mbledhim për të kryer nekropsi dhe për të identifikuar shkakun e vdekjes. /tvklan.al