Ky është padyshim guri më i çuditshëm që do ta hasni ndonjëherë. Ai gjendet në shkretëtirën Al Nafud në Arabinë Saudite, dhe siç mund të shihet, ky gur duket sikur është prerë përgjysmë.
Çudia më e madhe në lidhje me të është fakti që prerja në mes këtyre dy copave është jashtëzakonisht e rrafshët. Madje, sikur kjo të mos mjaftonte, duket sikur të dy gjysmat e këtij guri masiv e kundërshtojnë gravitetin. Sepse, duket sikur ato kanë qëndruar vertikalisht për një kohë tashmë tejet të gjatë.
Pikë së pari, askush nuk e di se çka ka mundur që ta shkaktojë prerjen, dhe teksa numri i teorive në lidhje me këtë sa vjen e shtohet, duket sikur aq më pak dihet për këtë strukturë. Fillimisht, ishin të shumtë ata që besonin se ky ishte rezultati i rastësishëm i korrozionit të gurit, që është procesi i erozionit kimik i nisur nga depërtimi i ujit nëpër të çarat e gurit, të cilit i duhet shumë kohë që të ndodh deri sa në fund shkëmbi ndahet në dysh. Mirëpo, duke qenë se vetë prerja është vertikale, po të kishim të bënim me rastin e korrozionit, guri do të rrëzohej, gjë që këtu nuk ka ndodhur.
Petroglifet në anët e gurit, po ashtu, sugjerojnë që ky gur daton qysh nga shekujt e parë para erës sonë. Askush nuk e di me siguri çka ka mundur që ta shkaktojë këtë pamje. Mirëpo, ajo që dihet me siguri është që ia vlen vërtetë që të vizitohet ky zbulim i çuditshëm.
Festa e malit të Tomorit ku gërshtohet besimi pellazg me atë të bektashinjve dhe pretendimi…
Andronika Arianiti Komnena, e bija e princit Gjergj Arianiti dhe Maria Muzaka, u lind në…
SEJDO HARKA/ “Si mund t’i thuash bujkut, çfarë bëre, kur mbjell farën në arë? Sot fara…
Bujani në kryengritjet e Shqipërisë së Epërme (Kosovës) 1909 - 1910 Nga Hasan Mehmeti Kryengritjet…
Po e publikojm për studiuesit dhe historiografinë shqiptare një dokument nga gjuha e shkruar arbëreshe…
Mendoni ta lini duhanin? Ka tre mënyra kryesore që ju ndihmojnë të hiqni dorë nga…