<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: HISTORI/ARKEOLOGJI

Arkeologët suedezë gjetën anijen simotër të luftanijes së famshme Vasa të shekullit 17

Arkeologët detarë në Suedi kanë gjetur një anijen simotër të luftanijes së famshme Vasa të shekullit të 17-të, e cila u mbyt në udhëtimin e saj të parë dhe tani është e ekspozuar në një muze popullor në Stokholm.

Mbetjet e luftanijes mbretërore Vasa, e cila kishte qenë nën ujë për më shumë se 300 vjet, u gjetën në vitin 1961 dhe ato u shfaqën në Muzeun Vasa, një nga atraksionet kryesore turistike të Stokholmit.

Anija simotër e Vasës, “Aplett”, u ndërtua në të njëjtën kohë, me urdhër të mbretit suedez Gustav II Adolf.

closevolume_off
Ndryshe nga Vasa, e cila u përmbyt dhe u fundos vetëm disa minuta pasi u largua nga porti në vitin 1628, anija “Aplett” (Molla), e nisur një vit më vonë pa ndonjë incident, mbeti në shërbim aktiv për tre dekadat e ardhshme.

Ajo u fundos në 1659 për t’u bërë pjesë e një pengese nënujore për të mbrojtur kryeqytetin suedez nga flotat armike.

Vendndodhja e saktë e rrënojave të saj kanë humbur nga koha, por arkeologët detarë që punojnë për Muzeun e Anijes në Stokholm thanë se gjetën një mbytje të madhe në dhjetor 2021 në lindje të kryeqytetit.

Sipas njoftimit të sotëm të muzeut, ekspertët arritën të konfirmojnë se është anija e humbur prej kohësh duke analizuar mostrat e drurit dhe të dhënat arkivore.

Nuk është vendosur ende nëse “Aplett” duhet të dalë në sipërfaqe si Vasa, që do të ishte një ndërmarrje e shtrenjtë dhe e komplikuar.

InForCulture