Kultivohet dhe mirëmbahet lehtë: Irisi është lulja më e famshme në mitologji

Irisi është bërë simbol i shpresës, besimit dhe respektit të thellë, për shkak se shumë familje mbretërore këtë lule filluan ta përdorin si simbol personal

Emri origjinal “iris” në përkthim do të thotë ylber, ndërsa në mitologjinë greke kjo lule ka qenë e lidhur drejtpërdrejt me perëndinë Irida, e cila nga lartësitë qiellore ka transmetuar porositë e zotave dhe ka pikturuar qiellin me ylber.

Në traditën aziatike, irisi është një simbol i “gjaku blu”, dhe në të gjithë Japoninë vlerësohet si një lule që shpërblen veprat e mira, heroike, transmeton Telegrafi.

istockphoto

Si kultivohet irisi?

Për kultivimin e irisit do t’ju duhet tokë e mirë me lagështi normale, sepse kjo lule nuk e do tokën e rëndë, me shumë aciditet dhe shumë të lagësht.

Reklama

Mbjellja bëhet në vjeshtë, nga fundi i tetorit deri në mesin e nëntorit, ose në pranverë sapo kushtet e motit të jenë të volitshme.

Nëse irisin e mbillni në saksi, kujdesuni që saksia të jetë më e madhe dhe më e thellë, nëse e kultivoni në kopsht apo në lehe, distanca e fidanëve patjetër duhet të jetë rreth 30 centimetra.

Periudha e lulëzimit të irisit është nga fillimi i majit deri në fund të qershorit, mirëpo disa varietete lulëzojnë edhe deri në shtator.

Irisi do të lulëzojë me bollëk në një vend ku ka diell, sepse nëse është në hije mund të mos lulëzojë fare.

Ujitja duhet të jetë e moderuar, dhe toka duhet të jetë pothuajse e thatë. /Telegrafi/