Princi Karl Topia (1331-1388) ishte një nga sundimtarët më të fuqishëm arbër gjatë shekullit 14-të. I njohur me titullin “Princi i Arbërisë” (Princeps Albanie), Karl Topia sundoi pjesën më të madhe të Shqipërisë qendrore prej vitit 1358 e deri në vdekjen e tij në vitin 1388. 👑
Mes viteve 1381-1383, princi Karl urdhëroi ndërtimin e Manastirit të shën Gjon Vladimirit në Elbasan, vend në të cilin janë gjetur materiale me vlera të mëdha për Karl Topinë dhe në përgjithësi për historinë shqiptare gjatë gjysmës së dytë të shekullit 14-të.
📸 Në foto mund të shikoni stemën e Karl Topisë e gjetur në manastirin e shën Gjon Vladimirit e gdhendur në gur nga një skulptor mesjetar shqiptar, Dhimitër Shpata, në vitin 1381 me urdhër të princit Karl Topia, e cila sot ruhet në Muzeun Historik Kombëtar të Tiranës.
Në të është gdhendur stema e familjes fisnike arbërore të Topiajve, ku në pjesën e poshtme paraqitet emblema e Anzhuinëve. Emblema ndahet prej një vije të pjerrët e cila tregon se Karli është pasardhës nga një martesë jolegjitime (e Andrea Topisë dhe Helena Anzhu) dhe se në të rrjedh dhe gjak mbretëror francez, me ç’rast Karl Topia pretendonte të gjitha tokat e Anzhuinëve në Arbëri, ndërsa në pjesën e sipërme është gdhendur stema tradicionale e Topiajve, një luan që qëndron mbi këmbët e pasme, i cili mban mbi krye një kurorë princërore të stolisur me tri pendë struci.
Stema përmban dhe një mbishkrim të gdhendur:
“Ετουτα τα /(σμ) μαδηα αυθε(ν) του μεγα Καρλα Θοπηα”
Që përkthehet si:
“Këto janë shenjat e zotit të madh, Karl Topisë”
Peshkopi Fan S. Noli njihet edhe për një ese me titull “Muhamedi”. Kjo vepër e…
Në Kopshtin Zoologjik të Shkupit tërheq vëmendjen e vizitorëve prania e shimpanzesë më të moshuar…
Evolucioni shpesh konsiderohet një proces i ngadaltë, duke kërkuar breza të tërë për të formuar speciet përmes ndryshimeve graduale.…
Thellë nën koren e Tokës, shkëmbi i shkrirë ngrihet dhe nxit lëvizjen e pllakave tektonike…
Delfinët qeshin vërtet. Deri më sot nga shprehitë e tyre, mjaftonte t’i shihje për të…
Një anije kozmike është nisur drejt hapësirës për të studiuar një asteroid që NASA e…