Nëse pini këto ilaçe, kujdes nga qëndrimi në diell sepse mund të kthehet në rrezik

Më shumë se pesëdhjetë lloje ilaçesh mund të shkaktojnë reaksion alergjik në diell. Personat të cilët janë në terapi me antibiotikë do të duhej të shmangnin tërësisht qëndrimin në diell.

Dihet që gjendja hormonale ndikon në pigmentimin e lëkurës, prandaj gratë të cilat marrin kontracepsion hormonal apo janë në shërim hormonal duhet të ruhen posaçërisht nga dielli. Terapia e tillë, si edhe disa ilaçe të cilat merren, si p.sh. për shkak të diabetit, sensibilizojnë lëkurën në rrezatime ultra vjollcë, ndaj mund të ndodhin shfaqje të kruajtjes, njolla ngjyrë kafe, kurse lëkura në disa vende madje mund edhe të zbardhet, domethënë humbë tërësisht pigmentin. Para se të ekspozoheni në diell, nuk është e dëshirueshme të përdorni mjete kozmetike siç janë deodorantët, parfumet dhe grimi.

Materiet kimike të cilat janë pjesë e përbërjeve të tilla, në kontakt me rrezet ultravjollcë, mund të shkaktojnë reaksion alergjik apo shfaqje të pigmentimit në lëkurë e cila është jashtëzakonisht e vështirë për t’u hequr.

Është e rëndësishme të jeni të informuar mirë se cilat ilaçe mund të shkaktojnë reagim ndaj diellit. Farmacisti juaj mund t’ju tregojë nëse ilaçi që ju është përshkruar është fotosensibilizues. Marrja e një ilaçi të tillë me ekspozimin e njëkohshëm në diell mund të çojë në një reaksion fototoksik – kur ilaçi, i përmirësuar nga veprimi i diellit, aktivizohet dhe dëmton lëkurën, ose në një reaksion fotoalergjik – kur rrezet e diellit ndryshojnë strukturën e ilaçit, të cilin sistemi imunitar e njeh si një trup të huaj dhe shkakton një përgjigje alergjike të shoqëruar me inflamacion dhe ekzemë në lëkurë.

Është një rregull i zakonshëm që pacientët që marrin ilaçe duhet të jenë të kujdesshëm në ekspozimin ndaj diellit, ta marrin ilaçin gjatë natës në mënyrë që të përthithet gjatë natës ose të shmangin fare rrezet e diellit.

Më shumë se pesëdhjetë ilaçe dihet se ndërveprojnë me diellin. Midis tyre janë barnat antimikrobiale (ciprofloxacin, levofloxacin, doxycycline, një kombinim i sulfamethoxazole dhe trimethoprim), antihistamikët për trajtimin e alergjive (difenhidraminë), barnat për sëmundjet e zemrës (amiodarone, nifedipina, diltiazem, enalaprilemidemi), hidroklorotiazid), antihipertensivët (diltiazem, enalapril), statina (fluvastatin, pravastatin), antidepresivët (amitriptilinë), ilaçet anti-inflamatore jo-steroide (naproksen, piroksikam), hipoglikemikët (derivatet e sulfoniluresë – glibenklamide), ilaçet kundër akneve (izotretinoin)…

Përveç kësaj, vitaminat A, B6 dhe kantarioni gjithashtu mund të shkaktojnë skuqje nëse merren me ekspozim në diell. Dihet që edhe parfumet mund të kenë një efekt të tillë. Nëse shfaqet një reaksion, kompresat e ftohta dhe kortikosteroidet mund të ndihmojnë, ndërsa nëse skuqja nuk largohet, duhet të shkoni te mjeku.