Truku i çuditshëm i shtëpive në Spanjë, vendosin shishe me ujë pranë shtëpive

Turistët zakonisht janë njerëz shumë observues dhe menjëherë e kuptojnë kur diçka është ndryshe.

Një prej tyre po shëtiste në rrugët e Spanjës kur vuri re se në cep të rrugës para hyrjes së çdo shtëpie qëndronin shishe të mbushura me ujë. Ai nuk arriti të kuptonte se cili ishte qëllimi i këtij veprimi.

Ky veprim ka në të vërtetë një qëllim shumë praktik. Si në shumë shtete të botës, numri i kafshëve endacake është i lartë në Spanjë.

Macet i bezdisnin vazhdimisht banorët duke hyrë në oborr, ndërsa qentë lehnin tek pragu i derës. Ata zbuluan se shishet e ujit ishin një mënyrë e mirë për të luftuar këtë dukuri.

Macet nuk u afrohen shisheve të ujit, sepse nuk u pëlqen reflektimi i tyre në sipërfaqe të ujit, kjo gjë i disorienton, sidomos natën. Spanjollët nuk janë të vetmit që përdorin këtë trik.

Shishe të tilla mund të shikohen edhe në Japoni dhe vende të tjera aziatike si dhe në Itali, apo edhe Hauai.