<div id="reklama-170x600">
    <script type="text/javascript">
        window.ANConfig = window.ANConfig || {};
        window.ANConfig.placements = window.ANConfig.placements || [];

        window.ANConfig.placements.push({
            adUnitId: 'reklama-170x600',
            propertyId: '104390',
            placementId: '840783',
            data: {
            },
            onLoad: function (adUnitId) {
                console.log('1', adUnitId);
            },
            onFail: function (adUnitId) {
                console.log('0', adUnitId);
                //fallback code
            },
        });

        (function () {
            if (!document.getElementById('ap-js')) {
                var ver = new Date().toISOString().split(':')[0].replace(/\D/g,'');
                var apjs = document.createElement("script");
                apjs.type = "text/javascript";
                apjs.async = true;
                apjs.setAttribute('id', 'ap-js');
                apjs.src = "https://central.gjirafa.com/js/ap-gjanout.js?v=" + ver;
                document.head.append(apjs);
            }
        })();
     </script>
</div>

Categories: KURIOZITETE

Liqeni që po zbulon sekretet e errëta

Policia e Las Vegasit po gjen gjithnjë e më shumë mbetje të trupave njerëzore në liqenin Mead, i cili ndodhet afër këtij qyteti.

Ndërsa liqeni filloi të tërhiqej ose të tkurret për shkak të thatësirës, tani ai po zbulon sekretet e tij të errëta.

Në fillim të majit të këtij viti, një trup u gjet në një fuçi në bregun e liqenit dhe më shumë mbetje njerëzore u gjetën të shtunën.

Policia paralajmëron se ndoshta do të gjejë më shumë trupa ndërsa liqeni tërhiqet.

Javën e kaluar, në bregun me baltë të liqenit u gjet një fuçi me mbetjet e një trupi njeriu. Policia tha se ishte një person që u vra në vitet ‘70 ose ‘80.

Fuçia e gjetur, e gërryer rëndë, i ngjan një fuçie industriale dhe u vu re nga njerëzit që lundronin në një varkë.

Mbetjet e fundit njerëzore u zbuluan të shtunën nga dy motra që po vozisnin në një dërrasë në liqen.

“Në fillim mendova se ishin mbetjet e një dele, por më pas u afruam pak dhe pamë një nofull njeriu. Ishte e vështirë për mua të besoja se në fakt gjetëm mbetjet e një trupi njeriu”, tha njëra nga motrat, Lindsey Melvin.

Rezervuari më i madh i ujit të pijshëm në Amerikë, Liqeni Mead, furnizon me ujë 20 milionë njerëz në një zonë që shtrihet nga Las Vegas në Los Angeles.

Niveli i liqenit filloi të bjerë në vitin 2000 dhe situata po përkeqësohet me thatësirat më të shpeshta dhe ndryshimet klimatike.

Niveli i tij aktual është më i ulëti që nga viti 1937.

Qyteti i Las Vegasit, i vendosur pranë liqenit, ka qenë një strehë për kriminelët e lidhur me mafien për pothuajse të gjithë shekullin e 20-të dhe besohet se anëtarët e organizatave mafioze kanë hedhur trupat e armiqve të tyre në ujërat e thella të këtij liqeni.

postbck postbck