A e dini se macja juaj mund të shohë gjëra që për syrin e njeriut janë të padukshme?

Macet janë konsideruar prej kohësh simbole të misterit dhe misticizmit

Në atë shikim misterioz, ka shumë gjëra që pronarët e maceve mund të mos i kenë ditur, por që janë hulumtuar dhe vërtetuar shkencërisht.

Domethënë, hulumtimet e fundit shkencore tregojnë se ekziston edhe një arsye tjetër pse macet mbajnë titullin e krijesave “misterioze”, transmeton Telegrafi.

Macet, si disa kafshë të tjera, kanë aftësinë të shohin vija vizuele në lule që janë të padukshme për syrin e njeriut. Me fjalë të tjera, sekreti i supershikimit është drita ultravjollcë.

Macet, qentë dhe dreri mund të shohin me sytë e tyre një kafshë me gëzof të bardhë në dëborë, ndërsa njeriu mund të shohë vetëm borë të bardhë…

– Ka shumë gjëra që reflektojnë rrezatimin UV, të cilin disa kafshë të ndjeshme janë në gjendje ta shohin, ndryshe nga ne. Për shembull, këto mund të jenë disa modele në lule që tregojnë se ku është nektari, ose gjurmë të urinës së kafshës. Gjithashtu, një dre nuk mund të shohë gëzofin e bardhë të një ariu polar, por mund të shohë rrezatimin UV që reflekton borën – tha Ronald Douglas, profesor i biologjisë në Universitetin e Londrës.

Pra, macet, qentë dhe dreri mund të shohin një kafshë me gëzof të bardhë me sytë e tyre, ndërsa një njeri mund të shohë vetëm borën e bardhë.

Nga ana tjetër, ekziston një besim që mbështetet në disa tradita të lashta se macet janë në gjendje të shohin qenie delikate, siç janë fantazmat. Prandaj, nëse vini re se macja juaj po shikon në hapësirë ose shikon diçka të padukshme në ajër, mund të jetë një shenjë se keni nevojë për pastrim energjik të hapësirës. /Telegrafi/